രാജ്യത്ത് ഒറ്റദിവസത്തെ ഏറ്റവും ഉയര്‍ന്ന കൊവിഡ് മരണനിരക്ക് ഇന്ന്

രാജ്യത്ത് ഒറ്റദിവസത്തെ ഏറ്റവും ഉയര്‍ന്ന കൊവിഡ് മരണനിരക്ക് ഇന്ന് റിപ്പോര്‍ട്ട് ചെയ്തു. 6148 പേരാണ് രാജ്യത്ത് കഴിഞ്ഞ 24 മണിക്കൂറിനിടെ കൊവിഡ് ബാധിച്ച് മരണപ്പെട്ടതായി സ്ഥിരീകരിക്കപ്പെട്ടത്. 94,052 പേര്‍ക്കാണ് പുതിയതായി കൊവിഡ് സ്ഥിരീകരിച്ചത്. 1,51,367 പേര്‍ രോഗമുക്തി നേടിയിട്ടുണ്ട്. 

ഇതുവരെ രാജ്യത്ത കൊവിഡ് ബാധിച്ചത് 2,91.83,121 പേര്‍ക്കാണ്. ആകെ 3,59,676 പേരാണ് രോഗം മൂലം രാജ്യത്ത് മരണപ്പെട്ടത്. നിലവില്‍ 11,67,952 പേരാണ് രോഗം മൂലം ചികിത്സയില്‍ കഴിയുന്നത്.