കോവിഡ് നിയന്ത്രണങ്ങള്‍ ലംഘിച്ചതിന് സംസ്ഥാനത്തൊട്ടാകെ ഇന്ന് 2707 പേര്‍ക്കെതിരെ കേസെടുത്തു. ഇന്ന് അറസ്റ്റിലായത് 1268 പേരാണ്. 1096 വാഹനങ്ങളും പിടിച്ചെടുത്തു. മാസ്‌ക് ധരിക്കാത്ത 11,979 സംഭവങ്ങളാണ് സംസ്ഥാനത്ത് ഇന്ന് റിപ്പോര്‍ട്ട് ചെയ്തത്. ക്വാറന്റൈന്‍ ലംഘിച്ചതിന് 40 കേസുകളും റിപ്പോര്‍ട്ട് ചെയ്തു.
തിരുവനന്തപുരം സിറ്റിയില്‍ മാത്രം 586 പേര്‍ക്കെതിരെയാണ് കേസെടുത്തത്. 33പേര്‍ അറസ്റ്റിലാകുകയും ചെയ്തിട്ടുണ്ട്. തിരുവനന്തപുരം റൂറലില്‍ നിന്ന് 215 വാഹനങ്ങളാണ് പിടിച്ചെടുത്തത്. കൊല്ലം റൂറലില്‍ 63 പേരാണ് അറസ്റ്റിലായത്.