കിങ്‌സ്റ്റണ് ടെസ്റ്റ്: രഹാനെയുടെ സെഞ്ച്വറി മികവില്‍ ഇന്ത്യക്ക് 304 റണ്‍സ് ലീഡ്
വിന്‍ഡീസിന് എതിരായ ടെസ്റ്റില്‍ ഇന്ത്യയ്ക്ക്‌ ആദ്യ ഇന്നിങ്‌സ് ലീഡ്.
വിന്‍ഡീസിന് എതിരായ ടെസ്റ്റില്‍ ഇന്ത്യയ്ക്ക്‌ ആദ്യ ഇന്നിങ്‌സ് ലീഡ്. അജിങ്ക്യ രഹാനെയുടെ സെഞ്ച്വറിയുടെ മികവിലാണ് ഇന്ത്യ 304 റണ്‍സ് ലീഡ് നേടിയത്. മൂന്നാം ദിവസം ഇന്ത്യ ഒമ്പതിന് 500 റണ്‍സ് എന്ന നിലയില്‍ ഡിക്ലയര്‍ ചെയ്തു.
കളിയവസാനിക്കാന്‍ മിനിറ്റുകള്‍ ബാക്കിനില്‍ക്കവേയാണ് 19 റണ്‍സെടുത്ത ഉമേഷ് യാദവ് പുറത്തായത്. 108 റണ്‍സെടുത്ത രഹാനെയാണ് മൂന്നാംദിനം ഇന്ത്യയെ മുന്നില്‍ നിന്ന്‍ നയിച്ചത്. 237 പന്തുകളില്‍ നിന്നായി രഹാനെ 13 ബൗണ്ടറികളും മൂന്ന് സിക്‌സറുകളുമടിച്ചു.
അഞ്ചു വിക്കറ്റെടുത്ത റോസ്റ്റണ്‍ ചേസ് മാത്രമാണ് വിന്‍ഡീസ് നിരയില്‍ തിളങ്ങിയത്. ഷാനന്‍ ഗബ്രിയേല്‍, ജേസണ്‍ ഹോള്‍ഡര്‍, ദേവേന്ദ്ര ബിഷൂ എന്നിവര്‍ ഓരോ വിക്കറ്റ് വീതം വീഴ്ത്തി.
