ഇന്ത്യക്കെതിരായ ഏകദിന പരമ്പര കൈവിട്ടതിന്റെ ക്ഷീണം തീര്‍ക്കാന്‍ ട്വന്റി- 20ക്ക് ഇറങ്ങിയ ദക്ഷിണാഫ്രിക്കന്‍ ടീമിന് വമ്പന്‍ തിരിച്ചടി.
വെടിക്കെട്ട് ബാറ്റ്‌സ്‌മാന്‍ എബി ഡിവില്ലിയേഴ്‌സ് പരുക്കേറ്റ് ടീമില്‍ നിന്നും പുറത്തായതാണ് ദക്ഷിണാഫ്രിക്കയ്‌ക്ക് വിനയായത്. ഫിറ്റ്നസ് ടെസ്റ്റ് പാസായെങ്കിലും ഞായറാഴ്‌ച നടന്ന ആദ്യ ട്വന്റി-20യില്‍ അദ്ദേഹം കളിച്ചിരുന്നില്ല. തുടര്‍ന്നുള്ള മത്സരങ്ങളിലും എ ബി ഡി കളിക്കില്ല.
ഫിറ്റ്നസ് പരീക്ഷ പാസായെങ്കിലും ഡിവില്ലിയേഴ്‌സിന് വിശ്രമം നല്‍കാന്‍ ദക്ഷിണാഫ്രിക്കന്‍ ക്രിക്കറ്റ് ബോര്‍ഡ് നിര്‍ദേശം നല്‍കുകയാ‍യിരുന്നു. ഇന്ത്യക്കെതിരായ ഏകദിന പരമ്പരയിലെ അഞ്ചാം മത്സരത്തിനിടെ കാല്‍മുട്ടിനേറ്റ പരുക്കിനെത്തുടര്‍ന്നാണ്‌ നടപടി.
അതേസമയം, ദക്ഷിണാഫ്രിക്കയ്‌ക്കെതിരായ ആദ്യ ആദ്യ ട്വന്റി-20യില്‍ ഇന്ത്യ 28 റണ്‍സിന് ജയം സ്വന്തമാക്കി.