ടീമിൽ പൊട്ടിത്തെറി, കോഹ്ലിക്ക് പിന്നാലെ അനുഷ്കയോടും ‘ഗുഡ് ബൈ‘ പറഞ്ഞ് രോഹിത്!

രോഹിതും കോഹ്ലിയും അടിച്ചുപിരിഞ്ഞു?

വെള്ളി, 26 ജൂലൈ 2019 (15:11 IST)
ലോകകപ്പ് നേടാനാകാതെ ഇംഗ്ലണ്ടിൽ നിന്നും വെറും കൈയ്യോടെ ഇന്ത്യൻ ടീമിനു മടങ്ങേണ്ടി വന്നതിന്റെ നിരാശ ഇപ്പോഴും അവസാനിച്ചിട്ടില്ല. ഇതിനിടയിൽ ടീം ഇന്ത്യയ്ക്കുള്ളിൽ അസ്വാസരസ്യങ്ങൾ പൊട്ടിപ്പുറപ്പെട്ടുവെന്ന് റിപ്പോർട്ടുകൾ ഉണ്ടായിരുന്നു. ഇതിനെ ശരിവെക്കുന്ന സംഭവികാസങ്ങളാണ് ഇപ്പോൾ നടക്കുന്നത്. 
 
ക്യാപ്റ്റൻ വിരാട് കോലിയും വൈസ് ക്യാപ്റ്റൻ രോഹിത് ശർമയും തമ്മിൽ പിണക്കത്തിലാണെന്നും ഇരുവരുടെയും പേരിൽ ടീമിനകത്ത് രണ്ട് ടീമുകൾ രൂപപ്പെട്ടു കഴിഞ്ഞുവെന്നായിരുന്നു റിപ്പോർട്ട്. ഇത് ശരിവെയ്ക്കുന്ന പ്രവൃത്തിയാണ് രോഹിതിൽ നിന്നും ഉണ്ടായിരിക്കുന്നത്. 
 
വിരാട് കോലിക്കു പിന്നാലെ ഭാര്യയും ചലച്ചിത്ര താരവുമായ അനുഷ്ക ശർമയേയും ഇൻസ്റ്റഗ്രാമിൽ ‘അൺഫോളോ’ ചെയ്തിരിക്കുകയാണ് രോഹിത്. ഇതിനു തൊട്ടുപിന്നാലെ ഇൻസ്റ്റഗ്രാമിൽ പങ്കുവച്ച ചെറിയൊരു സന്ദേശത്തോടു കൂടിയ ചിത്രവും അനുഷ്ക ശർമ പോസ്റ്റ് ചെയ്തതോടെ രോഹിതിനുള്ള മറുപടിയാണെന്ന് ആരാധകർ പറഞ്ഞു. 
 
ജ്ഞാനികൾ അധികം സംസാരിക്കാറില്ല. തെറ്റിദ്ധാരണകൾ പെരുകുമ്പോഴും നിശബ്ദത പാലിക്കാൻ സത്യത്തിനു മാത്രമേ കഴിയൂ എന്നായിരുന്നു അനുഷ്കയുടെ വാക്കുകൾ. ഇത് രോഹിതിനെ മാത്രം ഉദ്ദേശിച്ചാണ് അനുഷ്ക പോസ്റ്റ് ചെയ്തതെന്നാണ് ആരാധകർ വാദിക്കുന്നത്.
 
വിരാട് കോലിയെ നേരത്തേ തന്നെ രോഹിത് ഇൻസ്റ്റഗ്രാമിൽ ‘അൺ ഫോളോ’ ചെയ്തിരുന്നു. അതേസമയം, കോലി ഇപ്പോഴും ഇൻസ്റ്റഗ്രാമിൽ രോഹിത്തിനെ ‘ഫോളോ’ ചെയ്യുന്നുണ്ട്. ഏതായാലും ഇരുവരും തമ്മിലുള്ള പിണക്കം പരസ്യമായി മാറിയിരിക്കുകയാണ്. 

വെബ്ദുനിയ വായിക്കുക

അടുത്ത ലേഖനം ധോണിയും യാദവും ഒരുപോലെ, രോഹിതിന്റെ സ്ഥാനമെന്ത്? - കോഹ്ലി രണ്ടും കൽപ്പിച്ച് !