ന്യൂസിലന്ഡിനെതിരായ ഒന്നാം ക്രിക്കറ്റ് ടെസ്റ്റിന്റെ മൂന്നാം ദിനം അംപയര് നിതിന് മേനോനുമായി തര്ക്കിച്ച് ഇന്ത്യന് സ്പിന്നര് രവിചന്ദ്രന് അശ്വിന്. അശ്വിന് ബൗള് ചെയ്ത ശേഷം മുന്നിലേക്ക് വരുന്നതിനാല് (റണ് അപ്പിന് ശേഷമുള്ള ഫോളോ ത്രൂ) ബാറ്റര് പന്ത് നേരിടുന്നത് തനിക്ക് കാണാനില്ലെന്ന് നിതിന് മേനോന് പറഞ്ഞു. കാഴ്ച മറയ്ക്കുന്ന രീതിയില് ഫോളോ ത്രൂ എടുക്കരുതെന്ന് അശ്വിനോട് നിതിന് മേനോന് പലതവണ ആവശ്യപ്പെട്ടു. എന്നാല്, ബൗളിങ്ങില് മാറ്റം വരുത്താന് അശ്വിന് തയ്യാറായില്ല. ഒടുവില് ഇത് വാക്കുതര്ക്കമായി.