എല്ലാവരുമൊന്ന് കരുതിയിരുന്നോ ! ഏകദിനത്തില്‍ ട്വന്റി 20 കളിച്ച് ഓസ്‌ട്രേലിയ; വാര്‍ണര്‍ക്കും ലബുഷാനെയ്ക്കും സെഞ്ചുറി

ദക്ഷിണാഫ്രിക്കയ്‌ക്കെതിരായ രണ്ടാം ഏകദിനത്തില്‍ ട്വന്റി 20 ശൈലിയില്‍ ബാറ്റ് വീശി ഓസ്‌ട്രേലിയ. ഏറ്റവും ഒടുവില്‍ റിപ്പോര്‍ട്ട് ലഭിക്കുമ്പോള്‍ ഓസ്‌ട്രേലിയ 37 ഓവറില്‍ മൂന്ന് വിക്കറ്റ് നഷ്ടത്തില്‍ 280 റണ്‍സ് നേടിയിട്ടുണ്ട്. ഡേവിഡ് വാര്‍ണറും മര്‍നസ് ലബുഷാനെയും ഓസീസിന് വേണ്ടി സെഞ്ചുറി നേടി. ലബുഷാനെ 80 പന്തില്‍ നിന്ന് സെഞ്ചുറിയുമായി പുറത്താകാതെ നില്‍ക്കുകയാണ്. ഡേവിഡ് വാര്‍ണര്‍ 93 പന്തില്‍ നിന്ന് 106 റണ്‍സുമായി പുറത്തായി. 

11.5 ഓവറില്‍ ആദ്യ വിക്കറ്റ് നഷ്ടമാകുമ്പോള്‍ ഓസ്‌ട്രേലിയയുടെ സ്‌കോര്‍ 109 ആയിരുന്നു. ഓപ്പണര്‍ ട്രാവിസ് ഹെഡ് തുടക്കം മുതല്‍ തകര്‍ത്തടിച്ചു. 36 പന്തില്‍ നിന്ന് ഒന്‍പത് ഫോറും മൂന്ന് സിക്‌സും സഹിതം 64 റണ്‍സാണ് ഹെഡ് നേടിയത്. അഞ്ച് മത്സരങ്ങളുടെ ഏകദിന പരമ്പരയില്‍ 1-0 ത്തിന് ലീഡ് ചെയ്യുകയാണ് ഓസീസ് ഇപ്പോള്‍.