അശ്വിന്‍ പുറത്ത്, ഹാന്‍കോമ്പിന്റെ തകര്‍പ്പന്‍ ക്യാച്ച് കണ്ട് ക്രിക്കറ്റ് ലോകം തരിച്ചിരുന്നു - വീഡിയോ കാണാം
ഹാന്‍കോമ്പിന്റെ തകര്‍പ്പന്‍ ക്യാച്ച് കണ്ട് ക്രിക്കറ്റ് ലോകം തരിച്ചിരുന്നു - വീഡിയോ കാണാം
പൂനെ ടെസ്‌റ്റില്‍ ഓസ്‌ട്രേലിയന്‍ ബോളിംഗിന് മുന്നില്‍ ആദ്യ ഇന്നിഗ്‌സില്‍ ഇന്ത്യ തകര്‍ന്നടിയുന്ന കാഴ്‌ച ഞെട്ടിപ്പിച്ചുവെങ്കില്‍ ആര്‍ അശ്വിനെ പുറത്താക്കാന്‍ ഓസ്‌ട്രേലിയന്‍ ഫീല്‍‌ഡര്‍ പീറ്റര്‍ ഹാന്‍കോമ്പ് എടുത്ത ക്യാച്ച് ക്രിക്കറ്റ് ലോകത്ത് ചര്‍ച്ചയാകുന്നു.
ഓസീസ് സ്‌പിന്നര്‍ നാഥന്‍ ലിയോണ്‍ എറിഞ്ഞ 34മത് ഓവറിലെ മൂന്നാമത്തെ പന്തിലാണ് അശ്വിനെ പുറത്താക്കാനുള്ള ക്യാച്ച് ഹാന്‍കോമ്പ് സ്വന്തമാക്കിയത്. ലിയോണിന്റെ പന്തില്‍ ഷോട്ടിന് ശ്രമിച്ചെങ്കിലും പന്ത് ബാറ്റില്‍ നിന്ന് ഷൂവിലേക്ക് പതിച്ച ശേഷം ബൌണ്‍സ് ചെയ്‌തു, ഈ സമയം ബാറ്റ്‌സ്‌മാന് തൊട്ടടുത്ത് ഫീല്‍ഡ് ചെയ്‌ത ഹാന്‍കോമ്പ് ഉഗ്രന്‍ ഫീല്‍‌ഡിംഗിലൂടെ ക്യാച്ചെടുക്കുകയായിരുന്നു.
ഓസീസ് ഫീല്‍‌ഡര്‍മാര്‍ ഔട്ടിനായി അപ്പീല്‍ വിളിച്ചെങ്കിലും അമ്പയര്‍ക്ക് സംശയം തോന്നി. എന്നാല്‍, അമ്പയറിന്റെ തീരുമാനത്തിന് കാത്തിരുന്ന ശേഷം അശ്വിന്‍ മടങ്ങി.
94/3 എന്ന നിലയിൽ നിന്നാണ് ഇന്ത്യ 105 റണ്‍സിന് പുറത്തായത്. 11 റണ്‍സ് എടുക്കുന്നതിനിടെ നഷ്ടമായത് ഏഴ് വിക്കറ്റുകൾ. ഉച്ചഭക്ഷണത്തിന് ശേഷം ഇന്ത്യൻ ബാറ്റ്സ്മാൻമാരുടെ പവലിയനിലേക്കുള്ള ഘോഷയാത്രയായിരുന്നു പൂനെയിൽ ദൃശ്യമായത്.
