ടി20 ലോകകപ്പ് 2022 : അഞ്ച് സൂപ്പർ പേസർമാരെ തിരെഞ്ഞെടുത്ത് ഡെയ്ൽ സ്റ്റെയ്ൻ

ടി20 ലോകകപ്പ് സൂപ്പർ 12 പോരാട്ടങ്ങൾ കടുക്കുമ്പോൾ ഓസീസിലെ പേസിനെ തുണയ്ക്കുന്ന പിച്ചിൽ മികച്ച പ്രകടനമാണ് പേസർമ്മാർ കാഴ്ചവെയ്ക്കുന്നത്. ലോകകപ്പ് സെമി മത്സരങ്ങളിലേക്ക് പുരോഗമിക്കുമ്പോൾ ഇത്തവണത്തെ ലോകകപ്പിൽ പേസ് കൊണ്ട് തന്നെ വിസ്മയിപ്പിച്ച അഞ്ച് താരങ്ങളെ തിരെഞ്ഞെടുത്തിരിക്കുകയാണ് ഇതിഹാസ പേസർ ഡെയ്ൽ സ്റ്റെയ്ൻ.

ദക്ഷിണാഫ്രിക്കയുടെ സൂപ്പർ പേസർ കഗിസോ റബാഡയാണ് സ്റ്റെയ്നിൻ്റെ ലിസ്റ്റിൽ ആദ്യമുള്ളത്. ദക്ഷിണാഫ്രിക്കൻ പേസ് ആക്രമണത്തിൻ്റെ നായകനായ റബാഡ ന്യൂബോളിലും ഡെത്ത് ഓവറുകളിലും ഒരുപോലെ അപകടകാരിയാണ്. ദക്ഷിണാഫ്രിക്കയുടെ തന്നെ ആൻ്റിച്ച് നോക്കിയേ ആണ് ലിസ്റ്റിലുള്ള രണ്ടാമത്തെ താരം. ടി20 ലോകകപ്പിൽ മോശമില്ലാത്ത പ്രകടനമാണ് താരം കാഴ്ചവെയ്ക്കുന്നത്.

ഇംഗ്ലണ്ട് പേസർ മാർക്ക് വുഡാണ് ലിസ്റ്റിലെ മൂന്നാമത് ബൗളർ. മികച്ച യോർക്കറുകൾ എറിയാൻ കഴിവുള്ള താരമാണ് മാർക്ക് വുഡ്. ഓസീസിൻ്റെ ഇടം കയ്യൻ പേസർ മിച്ചൽ സ്റ്റാർക്കാണ് ലിസ്റ്റിൽ നാലാമത്. പരിചയസമ്പന്നനായ മിച്ചൽ സ്റ്റാർക്ക് മികച്ച ലൈനും ലെഗ്തും കൊണ്ട് എതിരാളിയെ അമ്പരപ്പിക്കുന്ന താരമാണ്. പാകിസ്ഥാൻ്റെ ഷഹീൻ ഷാ അഫ്രീദിയാണ് സ്റ്റെയ്നിൻ്റെ ലിസ്റ്റിലുള്ള അഞ്ചാമത്തെ താരം. ന്യൂ ബോളിൽ ഏറെ അപകടകാരിയായ ഷഹീന് പക്ഷേ ലോകകപ്പിൽ പ്രതീക്ഷിച്ച മികവ് പുലർത്താനായിട്ടില്ല.