ഐപിഎൽ പെരുമാറ്റച്ചട്ടം ലംഘിച്ചു, ദിനേഷ് കാർത്തിക്കിന് താക്കീത്

ഐ.പി.എല്‍ 14-ാം സീസണിലെ രണ്ടാം ക്വാളിഫയറില്‍ ഡല്‍ഹി ക്യാപ്പിറ്റല്‍സിനെതിരായ ജയത്തിനു പിന്നാലെ കൊല്‍ക്കത്ത നൈറ്റ് റൈഡേഴ്‌സ് താരം ദിനേഷ് കാര്‍ത്തിക്കിന് താക്കീത്. ഐപിഎൽ പെരുമാറ്റച്ചട്ട ലംഘനം കണ്ടെത്തിയതിനെ തുടർന്നാണ് നടപടി.

ഐപിഎൽ പെരുമാറ്റച്ചട്ടത്തിലെ 2.2 വകുപ്പ് പ്രകാരം ലെവൽ 1 കുറ്റമാണ് കാർത്തിക് ചെയ്‌തതായി കണ്ടെത്തിയത്. മാച്ച് റഫറിയാണ് താരത്തിനെതിരെ നടപടിയെടുത്തത്. അതേസമയം ര്‍ത്തിക് ചെയ്ത കുറ്റമെന്തെന്ന് ഐ.പി.എല്ലിന്റെ ഔദ്യോഗിക പ്രസ്താവനയില്‍ വ്യക്തമാക്കിയിട്ടില്ല.

ഡ‌ൽഹിക്കെതിരായ മത്സരത്തിനിടെ പുറത്തായ ശേഷം കാർത്തിക് ക്ഷുഭിതനായി സ്റ്റമ്പ് തറ്റിത്തെറിപ്പിച്ചിരുന്നു. ഇതാണ് അച്ചടക്കനടപടിക്ക് കാരണമായതെന്നാണ് കണക്കാക്കുന്നത്.