Ind vs NZ :ഇയാള്‍ക്കെന്താ ചിറകുണ്ടോ? ഫിലിപ്‌സിന്റെ ക്യാച്ച് കണ്ട് അന്തം വിട്ട് കോലി:വീഡിയോ

ചാമ്പ്യന്‍സ് ട്രോഫിയില്‍ ന്യൂസിലന്‍ഡിനെതിരായ മത്സരത്തില്‍ ഇന്ത്യയ്ക്ക് മോശം തുടക്കം. ടോസ് നഷ്ടമായി ബാറ്റിംഗിനിറങ്ങിയ ഇന്ത്യയ്ക്ക് തുടക്കത്തിലെ തന്നെ ഓപ്പണര്‍മാരായ ശുഭ്മാന്‍ ഗില്‍ രോഹിത് ശര്‍മ എന്നിവരുടെ വിക്കറ്റുകള്‍ നഷ്ടപ്പെട്ടു. 15 റണ്‍സെടുത്ത രോഹിത്തിനെ കെയ്ല്‍ ജാമിസണും 2 റണ്‍സെടുത്ത ശുഭ്മാന്‍ ഗില്ലിനെ മാറ്റ് ഹെന്റിയുമാണ് മടക്കിയത്. പിന്നാലെ എത്തിയ കോലി നല്ല രീതിയിലാണ് തുടങ്ങിയതെങ്കിലും അവിശ്വസനീയമായ ഒരു ക്യാച്ചിലൂടെ പുറത്താവുകയായിരുന്നു.