Webdunia - Bharat's app for daily news and videos

Install App

World Test Championship Point Table: 'കാല്‍ക്കുലേറ്റര്‍ എടുത്തോ'; ഓസ്‌ട്രേലിയയെ 2-1 നു തോല്‍പ്പിച്ചിട്ടും കാര്യമില്ല, ഇന്ത്യയുടെ സാധ്യതകള്‍ ത്രിശങ്കുവില്‍ !

ശ്രീലങ്കയ്‌ക്കെതിരായ ടെസ്റ്റ് പരമ്പര 2-0 ത്തിനു സ്വന്തമാക്കിയ ദക്ഷിണാഫ്രിക്ക 63.33 പോയിന്റ് ശതമാനത്തോടെ ഒന്നാം സ്ഥാനത്ത് എത്തിയിരിക്കുകയാണ്

രേണുക വേണു
ചൊവ്വ, 10 ഡിസം‌ബര്‍ 2024 (10:24 IST)
World Test Championship Point Table: ഇന്ത്യയുടെ ലോക ടെസ്റ്റ് ചാംപ്യന്‍ഷിപ്പ് ഫൈനല്‍ സാധ്യതകള്‍ ത്രിശങ്കുവില്‍. ശ്രീലങ്കയ്‌ക്കെതിരായ രണ്ടാം ടെസ്റ്റില്‍ 109 റണ്‍സിന്റെ വിജയം സ്വന്തമാക്കിയ ദക്ഷിണാഫ്രിക്കയാണ് ഇന്ത്യക്ക് ശക്തമായ വെല്ലുവിളി ഉയര്‍ത്തിയിരിക്കുന്നത്. ഓസ്‌ട്രേലിയ, ദക്ഷിണാഫ്രിക്ക, ഇന്ത്യ എന്നിവരില്‍ ഏതെങ്കിലും രണ്ട് ടീമുകള്‍ ആയിരിക്കും ലോക ടെസ്റ്റ് ചാംപ്യന്‍ഷിപ്പ് ഫൈനലില്‍ പ്രവേശിക്കുകയെന്ന് ഏറെക്കുറെ ഉറപ്പായി. 
 
ശ്രീലങ്കയ്‌ക്കെതിരായ ടെസ്റ്റ് പരമ്പര 2-0 ത്തിനു സ്വന്തമാക്കിയ ദക്ഷിണാഫ്രിക്ക 63.33 പോയിന്റ് ശതമാനത്തോടെ ഒന്നാം സ്ഥാനത്ത് എത്തിയിരിക്കുകയാണ്. രണ്ടാം സ്ഥാനത്തുള്ള ഓസ്‌ട്രേലിയയുടെ പോയിന്റ് ശതമാനം 60.71 ആണ്. ഒന്നില്‍ നിന്ന് മൂന്നിലേക്ക് വീണ ഇന്ത്യക്ക് 57.29 പോയിന്റ് ശതമാനമാണ് ഇപ്പോള്‍ ഉള്ളത്. 
 
ദക്ഷിണാഫ്രിക്കയ്ക്ക് പാക്കിസ്ഥാനെതിരെ രണ്ട് ടെസ്റ്റ് മത്സരങ്ങളാണ് ഇനിയുള്ളത്. സ്വന്തം നാട്ടില്‍ നടക്കുന്ന പരമ്പരയായതിനാല്‍ ദക്ഷിണാഫ്രിക്കയ്ക്ക് മേല്‍ക്കൈ ഉണ്ട്. പാക്കിസ്ഥാനെതിരായ പരമ്പര 1-1 ന് സമനിലയില്‍ ആയാല്‍ പോലും ദക്ഷിണാഫ്രിക്കയ്ക്ക് ടെസ്റ്റ് ചാംപ്യന്‍ഷിപ്പ് ഫൈനലില്‍ കയറാം. 
 
ഓസ്‌ട്രേലിയയ്ക്ക് ബോര്‍ഡര്‍-ഗാവസ്‌കര്‍ ട്രോഫി കഴിഞ്ഞാല്‍ ശ്രീലങ്കയ്‌ക്കെതിരെ രണ്ട് മത്സരങ്ങളുടെ പരമ്പരയുണ്ട്. ഇന്ത്യയോടു 2-3 നു പരമ്പര തോറ്റാല്‍ പോലും ശ്രീലങ്കയ്‌ക്കെതിരെ 2-0 ത്തിനു ജയിച്ചാല്‍ ഓസ്‌ട്രേലിയയ്ക്കു ഫൈനലില്‍ എത്താനുള്ള സാധ്യത കൂടുതലാണ്. 
 
ഓസ്‌ട്രേലിയയ്‌ക്കെതിരായ മൂന്ന് ടെസ്റ്റുകള്‍ മാത്രം ശേഷിക്കുന്ന ഇന്ത്യക്ക് കാര്യങ്ങള്‍ അത്ര എളുപ്പമല്ല. ഓസീസിനെതിരായ പരമ്പര 3-1 നു സ്വന്തമാക്കാന്‍ സാധിച്ചാല്‍ ഇന്ത്യക്ക് കാര്യങ്ങള്‍ എളുപ്പമാകും. ബോര്‍ഡര്‍-ഗാവസ്‌കര്‍ ട്രോഫിയില്‍ ഇന്ത്യ 2-1 നു ജയിച്ചിട്ടും കാര്യമില്ല. അങ്ങനെ സംഭവിച്ചാല്‍ ഓസ്‌ട്രേലിയ ശ്രീലങ്കയെ 2-0 ത്തിനു തോല്‍പ്പിക്കുകയാണെങ്കില്‍ രോഹിത്തിന്റേയും കൂട്ടരുടെയും സാധ്യതകള്‍ അസ്തമിക്കും. ഇനി 2-3 നു ഓസ്‌ട്രേലിയയോടു തോറ്റാല്‍ പാക്കിസ്ഥാന്‍ ദക്ഷിണാഫ്രിക്കയെ 2-0 ത്തിനു തോല്‍പ്പിക്കുകയും ശ്രീലങ്കയ്‌ക്കെതിരെ ഓസ്‌ട്രേലിയ മോശം പ്രകടനം നടത്തുകയും ചെയ്താലേ ഇന്ത്യക്ക് പിന്നീട് സാധ്യതകള്‍ ഉള്ളൂ. 

അനുബന്ധ വാര്‍ത്തകള്‍

വായിക്കുക

അവൻ കളിച്ച് വന്നതല്ലെ, അവസരങ്ങൾ ഒന്നോ രണ്ടോ മാത്രമായി ചുരുങ്ങില്ല, കരുൺ നായരെ ചേർത്ത് പിടിച്ച് ഗൗതം ഗംഭീർ

Ecuador vs Brazil: ആഞ്ചലോട്ടി വന്നിട്ടും മാറ്റമില്ല, ഗോൾ നേടാനാകാതെ ബ്രസീൽ, ഇക്വഡോറിനെതിരായ മത്സരം സമനിലയിൽ

Spain vs France: 'ഫ്രാന്‍സോ ഏത് ഫ്രാന്‍സ്'; ലാമിന്‍ യമാല്‍ കസറി, സ്‌പെയിന്‍ ഫൈനലില്‍

Jasprit Bumrah: ഇംഗ്ലണ്ടിൽ കളിക്കുക എന്നത് എപ്പോഴും ചലഞ്ച്, ഇംഗ്ലണ്ട് ബാസ്ബോൾ കളിച്ചാൽ തങ്ങൾക്ക് കൂടുതൽ വിക്കറ്റിന് സാധ്യതയെന്ന് ബുമ്ര

Mumbai Indians: ദൈവം ഇങ്ങനെ ഭാഗ്യം കൊടുക്കരുത്, മുംബൈയുടെ വിജയത്തിൽ പ്രതികരിച്ച് അശ്വിൻ

എല്ലാം കാണുക

ഏറ്റവും പുതിയത്

bayern vs auckland city:ക്ലബ് ലോകകപ്പില്‍ വന്ന് പെട്ടത് ബയേണിന്റെ മുന്നില്‍, ഓക്ലന്‍ഡ് സിറ്റിക്കെതിരെ അടിച്ചുകൂട്ടിയത് 10 ഗോള്‍!

പരിചയമില്ലാത്തവരുടെ നിരയാണ്, പക്ഷേ ഇന്ത്യയെ തകർക്കുക ഇംഗ്ലണ്ടിന് എളുപ്പമാകില്ല: ഡെയ്ൽ സ്റ്റെയ്ൻ

ഒരവസരം കൂടെ ലഭിച്ചാൽ കളിക്കാർക്ക് വേണ്ടി ഞാൻ പോകും, എന്നാൽ പാകിസ്ഥാൻ ക്രിക്കറ്റിനെ രക്ഷിക്കാൻ അത് മതിയാകില്ല: ഗാരി കേസ്റ്റൺ

2024ലെ ലോകകപ്പ് തോൽവിയായിരുന്നു ചിന്തയിൽ, അങ്ങനെ വിട്ടുകൊടുക്കരുതെന്ന് തോന്നലാണ് മോട്ടിവേഷൻ തന്നത്: എയ്ഡൻ മാർക്രം

സഞ്ജു... മോനെ തകർത്തേക്കണെ, ഇന്ത്യ- ന്യൂസിലൻഡ് ടി20 മത്സരം കാര്യവട്ടത്ത്, ഷെഡ്യൂൾ അറിയാം

അടുത്ത ലേഖനം
Show comments