ചാമ്പ്യൻസ് ട്രോഫി പാകിസ്ഥാനിൽ: എട്ട് ലോക ചാമ്പ്യൻഷിപ്പുകൾക്കുള്ള വേദി പ്രഖ്യാപിച്ച് ഐസിസി

വരാനിരിക്കുന്ന എട്ട് അന്താരാഷ്ട്ര ക്രിക്കറ്റ് ടൂർണ‌മെന്റുകളുടെ വേദി പ്രഖ്യാപി‌ച്ച് ഐസിസി. 2024 മുതൽ 2031 വരെ നടക്കാനിരിക്കുന്ന ലോക ക്രിക്കറ്റ് ചാമ്പ്യൻഷിപ്പുകളുടെ വേദിക‌ളാണ് പ്രഖ്യാപിച്ചിരിക്കുന്നത്.

12 രാജ്യങ്ങള്‍ക്കാണ് ടൂര്‍ണമെന്റുകള്‍ നടത്താന്‍ അവസരം ലഭിച്ചിരിക്കുന്നത്. 2024-ല്‍ ആരംഭിക്കുന്ന ട്വന്റി 20 ലോകകപ്പ് അമേരിക്കയിലും വെസ്റ്റ് ഇന്‍ഡീസിലുമായിട്ടായിരിക്കും നടക്കുക. 2025ലെ ചാമ്പ്യൻസ് ട്രോഫിക്കാണ് പാകിസ്ഥാൻ വേദിയാകുന്നത്. ഏറെ നാളത്തെ കാത്തിരിപ്പിനൊടുവിലാണ് പാകിസ്ഥാൻ ഒരു അന്താരാഷ്ട്ര ക്രിക്കറ്റ് ടൂർണമെന്റിന് വേദിയാകുന്നത്.

2026-ലെ ട്വന്റി 20 ലോകകപ്പിന് ഇന്ത്യയും ശ്രീലങ്കയും ആതിഥേയത്വം വഹിക്കും. തൊട്ടടുത്ത വര്‍ഷം നടക്കുന്ന ക്രിക്കറ്റ് ലോകകപ്പ് ദക്ഷിണാഫ്രിക്ക, സിംബാബ്വെ, നമീബിയ എന്നീ രാജ്യങ്ങളിലായാണ് നടക്കുക.2028-ലെ ട്വന്റി 20 ലോകകപ്പിന് ഓസ്‌ട്രേലിയയും ന്യൂസീലന്‍ഡും വേദിയാകുമ്പോള്‍ 2029-ലെ ചാമ്പ്യന്‍സ് ട്രോഫി ഇന്ത്യയിൽ വെച്ചായിരിക്കും നടക്കുക.

Are you ready for the best-ever decade of men’s white-ball cricket?

Eight new tournaments announced

2030-ല്‍ നടക്കുന്ന ട്വന്റി 20 ലോകകപ്പിന് ഇംഗ്ലണ്ട്, അയര്‍ലന്‍ഡ്, സ്‌കോട്‌ലന്‍ഡ് എന്നീ രാജ്യങ്ങള്‍ വേദിയാകും. 2031-ല്‍ നടക്കുന്ന ക്രിക്കറ്റ് ലോകകപ്പിന് ഇ‌ന്ത്യയും ബംഗ്ലാദേശും ആ‌തിഥേയത്വം വഹിക്കും.