ഐസിസി ടെസ്റ്റ് റാങ്കിംഗ് ജയ്സ്വാളിന് നേട്ടം, ബൗളർമാരിൽ അശ്വിൻ ഒന്നാമത്

ഐസിസി ടെസ്റ്റ് റാങ്കിങ്ങില്‍ നേട്ടമുണ്ടാക്കി വിരാട് കോലിയും യശ്വസി ജയ്‌സ്വാളും. ഏറ്റവും പുതിയ ടെസ്റ്റ് റാങ്കിംഗ് പട്ടികയില്‍ ആദ്യ പത്തില്‍ 3 ഇന്ത്യന്‍ താരങ്ങളാണ് ഇടം നേടിയത്. ഇന്ത്യന്‍ നായകനായ രോഹിത് ശര്‍മയാണ് ഇന്ത്യന്‍ ബാറ്റര്‍മാരില്‍ ഒന്നാം സ്ഥാനത്തുള്ളത്. ഐസിസി റാങ്കിങ്ങില്‍ ആറാം സ്ഥാനത്താണ് രോഹിത്. യശ്വസി ജയ്‌സ്വാള്‍ ലിസ്റ്റില്‍ ഏഴാമതും സൂപ്പര്‍ താരം വിരാട് കോലി എട്ടാം സ്ഥാനത്തുമാണ്.

 ശ്രീലങ്കക്കെതിരെ ആദ്യ ടെസ്റ്റില്‍ മികച്ച പ്രകടനം കാഴ്ചവെച്ച ഇംഗ്ലണ്ട് ബാറ്റര്‍ ജോ റൂട്ടാണ് പട്ടികയില്‍ ഒന്നാമതുള്ളത്. മറ്റൊരു ഇംഗ്ലണ്ട് താരമായ ഹാരി ബ്രൂക്ക് ലിസ്റ്റില്‍ നാലാം സ്ഥാനത്തുണ്ട്. അതേസമയം ഇന്ത്യന്‍ സ്പിന്നര്‍ രവിചന്ദ്ര അശ്വിനാണ് ഒന്നാം സ്ഥാനത്തുള്ളത്. ജസ്പ്രീത് ബുമ്ര ലിസ്റ്റില്‍ മൂന്നാം സ്ഥാനത്താണ്. ഓള്‍റൗണ്ടര്‍മാരുടെ പട്ടികയില്‍ രവീന്ദ്ര ജഡേജയും ആര്‍ അശ്വിനുമാണ് ആദ്യ 2 സ്ഥാനങ്ങളിലുള്ളത്.