ഏറ്റവും പുതിയ ഐസിസി ടെസ്റ്റ് റാങ്കിംഗില്‍ നില മെച്ചപ്പെടുത്തി ഇന്ത്യന്‍ സൂപ്പര്‍ താരമായ വിരാട് കോലി. ഓസ്‌ട്രേലിയക്കെതിരായ പെര്‍ത്ത് ടെസ്റ്റില്‍ സെഞ്ചുറി നേടിയതോടെയാണ് റാങ്കിങ്ങിലെ ഈ നേട്ടം. സെഞ്ചുറിക്ക് മുന്‍പ് 22മത് സ്ഥാനത്തായിരുന്ന കോലി 13 ആം സ്ഥാനത്തേക്കാണെത്തീത്. 689 റേറ്റിംഗ് പോയിന്റുകളാണ് കോലിയ്ക്കുള്ളത്.
അതേസമയം ബൗലര്‍മാരുടെ പട്ടികയില്‍ 2 സ്ഥാനം മെച്ചപ്പെടുത്തി ഇന്ത്യന്‍ പേസര്‍ ജസ്പ്രീത് ബുമ്ര ഒന്നാം സ്ഥാനത്തെത്തി. 883 റേറ്റിംഗ് പോയിന്റുകളാണ് ബുമ്രയ്ക്കുള്ളത്. ബാറ്റിംഗില്‍ ഇന്ത്യന്‍ താരമായ യശ്വസി ജയ്‌സ്വാള്‍ 825 റേറ്റിംഗ് പോയിന്റുകളോടെ രണ്ടാം സ്ഥാനത്താണ്. ജോ റൂട്ടാണ് ബാറ്റര്‍മാരുടെ പട്ടികയില്‍ ഒന്നാമതുള്ളത്. കെയ്ന്‍ വില്യംസണ്‍, ഹാരി ബ്രൂക്ക്,ഡാരില്‍ മിച്ചല്‍ എന്നിവരാണ് 3 മുതല്‍ 5 വരെ സ്ഥാനങ്ങളിലുള്ളത്. ഇന്ത്യന്‍ താരമായ റിഷഭ് പന്ത് പട്ടികയില്‍ ആറാം സ്ഥാനത്താണ്.
