RO-KO: രോഹിത്തിന് പിന്നാലെ നിരാശപ്പെടുത്തി കോലിയും, തിരിച്ചുവരവിൽ പൂജ്യത്തിന് പുറത്ത്

രോഹിത് 14 പന്തില്‍ 8 റണ്‍സും കോലി 8 പന്തില്‍ റണ്ണൊന്നും നേടാതെയുമാണ് മടങ്ങിയത്.

ഓസ്‌ട്രേലിയക്കെതിരായ ഏകദിന പരമ്പരയിലെ ആദ്യമത്സരത്തില്‍ ഇന്ത്യയ്ക്ക് മോശം തുടക്കം.മത്സരം മഴ തടസ്സപ്പെടുത്തുമ്പോള്‍ 8.5 ഓവറില്‍ 25/3 എന്ന നിലയിലാണ് ഇന്ത്യ. ഓപ്പണര്‍മാരായ രോഹിത് ശര്‍മ, ശുഭ്മാന്‍ ഗില്‍, വിരാട് കോലി എന്നിവരുടെ വിക്കറ്റുകളാണ് ഇന്ത്യയ്ക്ക് നഷ്ടമായത്. ഏറെക്കാലത്തിന് ശേഷം അന്താരാഷ്ട്ര ക്രിക്കറ്റില്‍ തിരിച്ചെത്തിയ രോഹിത് ശര്‍മയും വിരാട് കോലിയും നിരാശപ്പെടുത്തുന്ന പ്രകടനമാണ് നടത്തിയത്. രോഹിത് 14 പന്തില്‍ 8 റണ്‍സും കോലി 8 പന്തില്‍ റണ്ണൊന്നും നേടാതെയുമാണ് മടങ്ങിയത്.