India vs Australia, WTC Final 2023: ടോസ് ലഭിച്ചിട്ടും ലോക ടെസ്റ്റ് ചാംപ്യന്‍ഷിപ്പ് ഫൈനലില്‍ ഇന്ത്യ ബൗളിങ് തിരഞ്ഞെടുത്തതില്‍ ഞെട്ടി ആരാധകര്‍. ഓവലിലെ സാഹചര്യങ്ങള്‍ പരിഗണിക്കുമ്പോള്‍ ടോസ് ലഭിച്ചാല്‍ ആദ്യം ബാറ്റ് ചെയ്യുകയാണ് ഏതൊരു ടീമിനും നല്ലതെന്നാണ് ആരാധകരുടെ വിലയിരുത്തല്‍.
പേസിനെ പിന്തുണയ്ക്കുന്ന പിച്ച് ഓരോ ദിവസങ്ങള്‍ കഴിയും തോറും കൂടുതല്‍ അപകടകാരിയാകാനാണ് സാധ്യത. അവസാന രണ്ട് ദിവസങ്ങള്‍ ഇവിടെ ബാറ്റ് ചെയ്യുക അതീവ ദുഷ്‌കരമായിരിക്കും. അതുകൊണ്ടാണ് ഇന്ത്യ ടോസ് ലഭിച്ചിട്ടും ഫീല്‍ഡിങ് തിരഞ്ഞെടുത്തത് ആരാധകരെ അതിശയിപ്പിക്കുന്നത്.
നാല് പേസര്‍മാരും ഒരു സ്പിന്നറുമായാണ് ഇന്ത്യ കളിക്കാന്‍ ഇറങ്ങുന്നത്. രവിചന്ദ്രന്‍ അശ്വിന്‍ പ്ലേയിങ് ഇലവനില്‍ ഇടംപിടിച്ചില്ല. ഏക സ്പിന്നറായി രവീന്ദ്ര ജഡേജയ്ക്കാണ് അവസരം ലഭിച്ചിരിക്കുന്നത്.
ഇന്ത്യ പ്ലേയിങ് ഇലവന്‍: രോഹിത് ശര്‍മ, ശുഭ്മാന്‍ ഗില്‍, ചേതേശ്വര്‍ പുജാര, വിരാട് കോലി, അജിങ്ക്യ രഹാനെ, രവീന്ദ്ര ജഡേജ, ശ്രികര്‍ ഭരത്, മുഹമ്മദ് സിറാജ്, ശര്‍ദുല്‍ താക്കൂര്‍, മുഹമ്മദ് ഷമി, ഉമേഷ് യാദവ്
