India vs Bangladesh, T20 World Cup 2024: സഞ്ജു ബെഞ്ചില്‍ തുടരും; പ്ലേയിങ് ഇലവനില്‍ ഒരു മാറ്റത്തിനും തയ്യാറാകാതെ രോഹിത് ശര്‍മ

പ്ലേയിങ് ഇലവനില്‍ ഒരു മാറ്റത്തിനും ഇന്ത്യ തയ്യാറല്ലെന്നാണ് പുറത്തുവരുന്ന റിപ്പോര്‍ട്ടുകള്‍

India vs Bangladesh, T20 World Cup 2024: ലോകകപ്പ് സൂപ്പര്‍ എട്ടിലെ രണ്ടാം മത്സരത്തിനായി ഇന്ത്യ ഇന്നിറങ്ങും. ബംഗ്ലാദേശാണ് എതിരാളികള്‍. അന്റിഗ്വയിലെ വിവിയന്‍ റിച്ചാര്‍ഡ്‌സ് സ്റ്റേഡിയത്തില്‍ ഇന്ത്യന്‍ സമയം രാത്രി എട്ട് മുതലാണ് മത്സരം. സ്റ്റാര്‍ സ്‌പോര്‍ട്‌സിലും ഡിസ്‌നി പ്ലസ് ഹോട്ട്സ്റ്റാറിലും മത്സരം തത്സമയം കാണാം. 

പ്ലേയിങ് ഇലവനില്‍ ഒരു മാറ്റത്തിനും ഇന്ത്യ തയ്യാറല്ലെന്നാണ് പുറത്തുവരുന്ന റിപ്പോര്‍ട്ടുകള്‍. വിരാട് കോലിയും രോഹിത് ശര്‍മയും ഓപ്പണിങ്ങില്‍ തുടരും. ശിവം ദുബെയ്ക്ക് പകരം സഞ്ജു സാംസണ്‍ ഇറങ്ങുമോ എന്ന കാര്യത്തില്‍ മാത്രമാണ് നേരിയ സംശയം. മൂന്ന് സ്പിന്നര്‍മാരുമായാകും ഇന്ത്യ ഇന്നും ഇറങ്ങുക. മുഹമ്മദ് സിറാജ് കളിക്കില്ല. 

സാധ്യത ഇലവന്‍: രോഹിത് ശര്‍മ, വിരാട് കോലി, റിഷഭ് പന്ത്, സൂര്യകുമാര്‍ യാദവ്, ശിവം ദുബെ, ഹാര്‍ദിക് പാണ്ഡ്യ, രവീന്ദ്ര ജഡേജ, അക്ഷര്‍ പട്ടേല്‍, കുല്‍ദീപ് യാദവ്, ജസ്പ്രീത് ബുംറ, അര്‍ഷ്ദീപ് സിങ്