'വായടച്ച് നിന്ന് ബാറ്റ് ചെയ്യൂ'; ബെയര്‍‌സ്റ്റോയെ ചൊറിഞ്ഞ് കോലി, സെഞ്ചുറി കൊണ്ട് മറുപടി കൊടുത്ത് ബെയര്‍‌സ്റ്റോ (വീഡിയോ)

ഇന്ത്യ-ഇംഗ്ലണ്ട് എഡ്ജ്ബാസ്റ്റണ്‍ ടെസ്റ്റിനിടെ നാടകീയ രംഗങ്ങള്‍. ഇംഗ്ലണ്ട് ബാറ്റര്‍ ജോണി ബെയര്‍‌സ്റ്റോയെ ഇന്ത്യന്‍ താരം വിരാട് കോലി സ്ലെഡ്ജ് ചെയ്തതാണ് വലിയ വാര്‍ത്താപ്രാധാന്യം നേടിയത്. ഇതിന്റെ വീഡിയോയും പുറത്തുവന്നിട്ടുണ്ട്. 

കോലിയും ബെയര്‍‌സ്റ്റോയും മൂന്നാം ദിനം പരസ്പരം ഏറ്റുമുട്ടി. കോലിയോട് ബെയര്‍‌സ്റ്റോ എന്തോ പറഞ്ഞതോടെ കോലിക്കും ദേഷ്യം വന്നു. ഇരുവരും നേര്‍ക്കുനേര്‍ വന്നതോടെ അംപയര്‍മാരും സഹതാരങ്ങളും പ്രശ്‌നം രമ്യതയിലേക്ക് എത്തിക്കാന്‍ രംഗത്തെത്തി. ഇതിനിടെ ബെയര്‍‌സ്റ്റോയോട് 'വായടച്ച് അവിടെ നിന്ന് ബാറ്റ് ചെയ്യൂ' എന്ന് കോലി പറഞ്ഞു. ഇത് സ്റ്റംപ് മൈക്കില്‍ റെക്കോര്‍ഡ് ചെയ്യപ്പെട്ടിട്ടുണ്ട്.