ആ ഒരു ഓവർ അവനെ തളർത്തി, മത്സരത്തിന് ശേഷം യാഷ് ദയാലിൻ്റെ തൂക്കം 6-7 കിലോ കുറഞ്ഞെന്ന് ഹാർദ്ദിക്

കൊൽക്കത്ത നൈറ്റ് റൈഡേഴ്സിന് എതിരായ മത്സരത്തിന് ശേഷം ഗുജറാത്ത് ടൈറ്റൻസ് ബൗളർ യാഷ് ദയാലിൻ്റെ ആരോഗ്യസ്ഥിതി മോശമായതായി ഗുജറാത്ത് ടൈറ്റൻസ് നായകൻ ഹാർദ്ദിക് പാണ്ഡ്യ. കൊൽക്കത്തയ്ക്കെതിരായ മത്സരത്തിന് ശേഷം അസുഖം ബാധിച്ചതിനെ തുടർന്നാണ് താരം പിന്നീട് കളിക്കാതിരുന്നതെന്നും ഹാർദ്ദിക് വ്യക്തമാക്കി.

ഈ സീസണിൽ അദ്ദേഹം ഇനി കളിക്കുമോ എന്ന് പറയാൻ എനിക്കാവില്ല. മത്സരശേഷം അസുഖബാധിതനായ താരത്തിൻ്റെ തൂക്കം 7-8 കിലോ കുറഞ്ഞു. ആ കാലയളവിൽ ക്യാമ്പിൽ വൈറൽ അണുബാധ വ്യാപനമുണ്ടായിരുന്നു. അതിനൊപ്പം അദ്ദേഹം നേരിട്ട സമ്മർദ്ദവും അവന് വിനയായി. നിലവിൽ കളിക്കാവുന്ന അവസ്ഥയിലല്ല ദയാലെന്നും കളിക്കളത്തിലെത്താൻ ഇനിയും കാത്തിരിക്കേണ്ടി വരുമെന്നും ഹാർദ്ദിക് അറിയിച്ചു.