തീർന്നിട്ടില്ല രാമാ, എഴുതിതള്ളിയവരുടെ വായടപ്പിച്ച് രണ്ട് വാക്ക് മാത്രം ഇൻസ്റ്റഗ്രാമിൽ പോസ്റ്റ് ചെയ്ത് ഇഷാൻ കിഷൻ

Ishan Kishan

പരിക്കിന് ശേഷമുള്ള തിരിച്ചുവരവില്‍ ദുലീപ് ട്രോഫിയിലെ സെഞ്ചുറി പ്രകടനം കൊണ്ട് എതിരാളികളുടെ വായടപ്പിച്ച് ഇന്ത്യന്‍ വിക്കറ്റ് കീപ്പര്‍ താരമായ ഇഷാന്‍ കിഷന്‍. ഇന്ത്യ ബിക്കെതിരായ മത്സരത്തിലാണ് ഇന്ത്യ സി താരമായ ഇഷാന്‍ കിഷന്‍ സെഞ്ചുറി സ്വന്തമാക്കിയത്. ഏകദിനശൈലിയില്‍ ബാറ്റ് വീശിയ താരം 126 പന്തില്‍ 111 റണ്‍സുമായി പുറത്താവുകയായിരുന്നു. രണ്ടിന് 97 എന്ന നിലയില്‍ ക്രീസിലെത്തിയ താരമാണ് ഇന്ത്യന്‍ സിയെ മത്സരത്തില്‍ മികച്ച നിലയിലെത്തിച്ചത്. ഇപ്പോഴിതാ ദുലീപ് ട്രോഫിയിലെ ഈ തകര്‍പ്പന്‍ പ്രകടനത്തിന് ശേഷം ഇഷാന്‍ സമൂഹമാധ്യമങ്ങളില്‍ പങ്കുവെച്ച പോസ്റ്റാണ് വൈറലായിരിക്കുന്നത്.

താന്‍ ബാറ്റ് ചെയ്യുന്ന ചിത്രത്തിനൊപ്പം അണ്‍ഫിനിഷ്ഡ് ബിസിനസ് എന്നാണ് താരം കുറിച്ചത്. ബംഗ്ലാദേശിനെതിരായ ടെസ്റ്റ് പരമ്പരയില്‍ ഇടം നേടാനായില്ലെങ്കിലും സെഞ്ചുറി പ്രകടനത്തോടെ ഇഷാന്‍ കിഷന്‍ ടി20 ടീമില്‍ തിരിചെത്തുമോ എന്ന ആകാംക്ഷയിലാണ് ക്രിക്കറ്റ് ആരാധകര്‍. പരിക്കിനെ തുടര്‍ന്ന് ദുലീപ് ട്രോഫ്യില്‍ നിന്നും വിട്ടുനില്‍ക്കുകയായിരുന്ന ഇഷാന്‍ കിഷന് അവസാന നിമിഷമാണ് ഇന്ത്യന്‍ സി ടീമില്‍ ഇടം ലഭിച്ചത്. നേരത്തെ ഇന്ത്യന്‍ ഡി ടീമിലായിരുന്നു ഇഷാന് ഇടം ലഭിച്ചത്. എന്നാല്‍ താരത്തിനെ പരിക്കേറ്റതോടെ മലയാളി താരം സഞ്ജു സാംസണ് ഇഷാന് പകരം ഡി ടീമില്‍ ഇടം നേടി. ഇതോടെയാണ് ഇഷാന്‍ കിഷന്‍ ഇന്ത്യന്‍ സി ടീമിലെത്തിയത്.

View this post on Instagram

A post shared by Ishan Kishan (@ishankishan23)