2019ലെ തെറ്റ് തിരുത്താനുള്ള അവസരമാണിത്, ഇന്ത്യക്ക് മുന്നറിയിപ്പുമായി മിച്ചൽ സ്റ്റാർക്ക്

ഇന്ത്യ- ഓസ്ട്രേലിയ ടെസ്റ്റ് പരമ്പര ഈ മാസം 17ന് ആരംഭിക്കാനിരിക്കെ ഇന്ത്യയെ വെല്ലുവിളിച്ച് ഓസീസ് സ്റ്റാർ പേസർ മിച്ചൽ സ്റ്റാർക്ക്. 2019ലെ ടെസ്റ്റ് പരമ്പരയിൽ വരുത്തിയ പിഴവുകൾ തിരുത്താനുള്ള സമയമാണ് വന്നിരിക്കുന്നതെന്നാണ് സ്റ്റാർക്ക് പറയുന്നത്. 

2018-19ൽ ഓസീസിനേക്കാളും ബാറ്റിങ്ങിലും ബൗളിങ്ങിലും ഇന്ത്യക്ക് മുൻതൂക്കം ഉണ്ടായിരുന്നു. ഞങ്ങൾ ആ തോൽവിയിൽ നിന്നും ഒളിച്ചോടുന്നില്ല. ഇത്തവണ അതിനാൽ തന്നെ ആ പിഴവുകൾ തിരുത്താനുള്ള സമയമാണ് സ്റ്റാർക്ക് പറഞ്ഞു. പരിക്കിനെ തുടർന്ന് നേരത്തെ ഇന്ത്യക്കെതിരായ ഏകദിന ടി20 മത്സരങ്ങളിൽ സ്റ്റാർക്ക് കളിച്ചിരുന്നില്ല. ടെസ്റ്റിൽ സ്റ്റാർക്ക് കൂടെ തിരിച്ചെത്തുന്നതോടെ ഓസ്ട്രേലിയ കൂടുതൽ ശക്തരാകും.