Webdunia - Bharat's app for daily news and videos

Install App

വിടവാങ്ങൽ ടെസ്റ്റിൽ റെക്കോർഡ് നേട്ടവുമായി ജെയിംസ് ആൻഡേഴ്സൺ, ഇംഗ്ലണ്ട് ഇന്നിങ്ങ്സ് വിജയത്തിലേക്ക്

അഭിറാം മനോഹർ
വെള്ളി, 12 ജൂലൈ 2024 (13:24 IST)
പേസ് ഇതിഹാസം ജെയിംസ് ആന്‍ഡേഴ്‌സന്റെ വിടവാങ്ങല്‍ ടെസ്റ്റില്‍ വെസ്റ്റിന്‍ഡീസിനെതിരെ ഇംഗ്ലണ്ട് ഇന്നിങ്ങ്‌സ് വിജയത്തിലേക്ക്. 250 റണ്‍സിന്റെ ഒന്നാം ഇന്നിങ്ങ്‌സ് ലീഡ് വഴങ്ങിയ വിന്‍ഡീസ് രണ്ടാം ഇന്നിങ്ങ്‌സില്‍ രണ്ടാം ദിനം കളി നിര്‍ത്തുമ്പോള്‍ 6 വിക്കറ്റ് നഷ്ടത്തില്‍ 79 റണ്‍സെന്ന നിലയിലാണ്. ഇന്നിങ്ങ്‌സ് തോല്‍വി ഒഴിവാക്കാന്‍ 4 വിക്കറ്റ് ബാക്കിനില്‍ക്കെ 171 റണ്‍സാണ് വെസ്റ്റിന്‍ഡീസിന് വേണ്ടത്. 
 
ക്യാപ്റ്റന്‍ ക്രെയ്ഗ് ബ്രാത്ത്വെയ്റ്റ്(4),മിക്കൈല്‍ ലൂയിസ്(14)ജേസണ്‍ ഹോള്‍ഡര്‍(20) എന്നീ പ്രമുഖതാരങ്ങളെയെല്ലാം വെസ്റ്റിന്‍ഡീസിന് നഷ്ടമായി. വിടവാങ്ങല്‍ ടെസ്റ്റ് കളിക്കുന്ന ഇതിഹാസ പേസര്‍ ജെയിംസ് ആന്‍ഡേഴ്‌സണ്‍ മത്സരത്തില്‍ 2 വിക്കറ്റ് നേടിയതിനൊപ്പം ടെസ്റ്റ് ക്രിക്കറ്റില്‍ 40,000 പന്തുകളെറിയുന്ന ആദ്യ ബൗളറെന്ന റെക്കോര്‍ഡ് നേട്ടവും കുറിച്ചു. രാജ്യാന്തര ക്രിക്കറ്റില്‍ 50,000 പന്തുകളെറിഞ്ഞ നാലാമത്തെ മാത്രം ബൗളറാണ് അന്‍ഡേഴ്‌സണ്‍. മുത്തയ്യ മുരളീധരന്‍,അനില്‍ കുംബ്ലെ,ഷെയ്ന്‍ വോണ്‍ എന്നിവരാണ് ഈ നേട്ടം സ്വന്തമാക്കിയിട്ടുള്ള മറ്റ് താരങ്ങള്‍.
 
 ടെസ്റ്റ് ക്രിക്കറ്റില്‍ ഏറ്റവും കൂടുതല്‍ പന്തെറിഞ്ഞ ബൗളര്‍മാരിലും  നാലാം സ്ഥാനത്താണ് ആന്‍ഡേഴ്‌സണ്‍. മുത്തയ്യമുരളീധരന്‍,അനില്‍ കുംബ്ലെ,ഷെയ്ന്‍ വോണ്‍ എന്നിവരാണ് ആന്‍ഡേഴ്‌സണ് മുന്നിലുള്ളത്. വെസ്റ്റിന്‍ഡീസിനെതിരെ 2 വിക്കറ്റ് സ്വന്തമാക്കിയതോടെ കൂടി വെസ്റ്റിന്‍ഡീസിനെതിരെ ഏറ്റവും കൂടുതല്‍ വിക്കറ്റെടുത്ത ബൗളര്‍മാരില്‍ അനില്‍ കുംബ്ലെയെ(89) മറികടന്ന് രണ്ടാമതെത്താനും ആന്‍ഡേഴ്‌സണായി. 90 വിക്കറ്റുകളാണ് വെസ്റ്റിന്‍ഡീസിനെതിരെ ആന്‍ഡേഴ്‌സണ്‍ വീഴ്ത്തിയിട്ടുള്ളത്. 110 വിക്കറ്റ് വീഴ്ത്തിയിട്ടുള്ള ഗ്ലെന്‍ മഗ്രാത്താണ് വെസ്റ്റിന്‍ഡീസിനെതിരെ ഏറ്റവും കൂടുതല്‍ വിക്കറ്റെടുത്ത ബൗളര്‍.

അനുബന്ധ വാര്‍ത്തകള്‍

വായിക്കുക

ബംഗ്ലാദേശിനെതിരെ പന്തിനും ബുമ്രയ്ക്കും ഗില്ലിനും വിശ്രമം, സഞ്ജു വിക്കറ്റ് കീപ്പറായേക്കും

രാഹുല്‍ ദ്രാവിഡ് രാജസ്ഥാന്‍ റോയല്‍സിന്റെ മുഖ്യ പരിശീലകന്‍

നാട്ടില്‍ എല്ലാവരോടും തോറ്റു, ജയമറിഞ്ഞ് 1303 ദിവസം, പാക് ക്രിക്കറ്റിന്റെ വീഴ്ച ഭയനാകം, വെസ്റ്റിന്‍ഡീസ് ടീമിനെ പോലെ പടുകുഴിയിലേക്ക്

WTC Point Table: ബംഗ്ലാദേശിനെതിരായ തോല്‍വിയില്‍ പാക്കിസ്ഥാന് എട്ടിന്റെ പണി; ടെസ്റ്റ് ചാംപ്യന്‍ഷിപ്പ് പോയിന്റ് ടേബിളില്‍ താഴേക്ക്, ഒന്നാമത് ഇന്ത്യ തന്നെ

'അടുത്ത ലക്ഷ്യം രോഹിത്തും കൂട്ടരും'; പാക്കിസ്ഥാനെ തോല്‍പ്പിച്ച ആത്മവിശ്വാസത്തില്‍ ബംഗ്ലാദേശ്, ഇത് കര വേറെയെന്ന് ഇന്ത്യന്‍ ആരാധകര്‍

എല്ലാം കാണുക

ഏറ്റവും പുതിയത്

സംശയമെന്ത്, ഇന്ത്യയുടെ ഏറ്റവും മികച്ച ടെസ്റ്റ് ക്യാപ്റ്റൻ കോലി തന്നെ, പ്രശംസിച്ച് ഗൗതം ഗംഭീർ

ഇന്ത്യന്‍ ക്രിക്കറ്റിന്റെ ബാബര്‍ അസം ഗില്‍ തന്നെ, പൂജ്യനായതിന് പിന്നാലെ താരത്തിനെതിരെ പരിഹാസം

കോലിയേയും രോഹിത്തിനെയും മടക്കി, ആരാണ് ബംഗ്ലാദേശിന്റെ പുതിയ പേസര്‍ ഹസന്‍ മഹ്മൂദ്!

ശ്രീലങ്കൻ ക്രിക്കറ്റിൽ പുതിയ താരോദയം, അമ്പരപ്പിക്കുന്ന റെക്കോർഡ് സ്വന്തമാക്കി കമിന്ദു മെൻഡിൽ

Virat Kohli: പരിഹാസങ്ങള്‍ ഇരട്ടിയാകും മുന്‍പ് കളി നിര്‍ത്തുന്നതാണ് നല്ലത്; വീണ്ടും നിരാശപ്പെടുത്തി കോലി, ആരാധകര്‍ കലിപ്പില്‍

അടുത്ത ലേഖനം
Show comments