Jasprit Bumrah: 'ചിരിക്കാന്‍ വയ്യ'; ബെഡ് റെസ്റ്റ് വാര്‍ത്തകളോടു പ്രതികരിച്ച് ബുംറ, ഇന്ത്യക്കും 'ചിരി'

ബോര്‍ഡര്‍-ഗാവസ്‌കര്‍ ട്രോഫിയിലെ അവസാന ടെസ്റ്റിനിടെയാണ് ബുംറയ്ക്കു പരുക്കേറ്റത്

Jasprit Bumrah: ഇന്ത്യന്‍ ആരാധകര്‍ക്കു പ്രതീക്ഷ നല്‍കി ജസ്പ്രിത് ബുംറയുടെ സോഷ്യല്‍ മീഡിയ പോസ്റ്റ്. പരുക്കിനെ തുടര്‍ന്ന് ബുംറയ്ക്ക് ചാംപ്യന്‍സ് ട്രോഫി നഷ്ടമായേക്കുമെന്ന വാര്‍ത്തകള്‍ കഴിഞ്ഞ ദിവസം പ്രചരിച്ചിരുന്നു. ഇതിനു പിന്നാലെയാണ് രസകരമായ പോസ്റ്റുമായി ബുംറ എക്‌സ് പ്ലാറ്റ്‌ഫോമില്‍ എത്തിയത്. 

ബോര്‍ഡര്‍-ഗാവസ്‌കര്‍ ട്രോഫിയിലെ അവസാന ടെസ്റ്റിനിടെയാണ് ബുംറയ്ക്കു പരുക്കേറ്റത്. പൂര്‍ണ വിശ്രമം ആവശ്യമായതിനാല്‍ ബുംറ 'ബെഡ് റെസ്റ്റി'ല്‍ ആയിരിക്കുമെന്നും ചാംപ്യന്‍സ് ട്രോഫി കളിക്കുമോ എന്ന കാര്യം സംശയമാണെന്നും ഇന്നലെ ചില മാധ്യമങ്ങളില്‍ അടക്കം വാര്‍ത്ത വന്നിരുന്നു. അതിനു പിന്നാലെയാണ് ബുംറയുടെ പോസ്റ്റ്. 

' വ്യാജ വാര്‍ത്തകള്‍ പ്രചരിപ്പിക്കാന്‍ എളുപ്പമാണെന്ന് എനിക്ക് അറിയാം, പക്ഷേ ഇത് എന്നെ ചിരിപ്പിക്കുന്നു. ഇതിന്റെ ഉറവിടങ്ങള്‍ വിശ്വസനീയമല്ല' ബുംറ എക്‌സില്‍ കുറിച്ചു.