‘ക്യാപ്റ്റൻ അഹങ്കാരിയും സ്വാർത്ഥനും, പുതിയ ക്യാപ്റ്റനെ വേണം’- സച്ചിന്‍ ബേബിക്കതിരെ താരങ്ങളുടെ കൂട്ടപരാതി

‘വിജയച്ചിൽ ക്രെഡിറ്റ് സ്വന്തമാക്കും, പരാജയപ്പെട്ടാൽ മറ്റുള്ളവർക്ക് കുറ്റം’- സച്ചിൻ ബേബിക്കെതിരെ സഹതാരങ്ങൾ

കേരള ക്രിക്കറ്റ് ടീമില്‍ ക്യാപ്റ്റന്‍ സച്ചിന്‍ ബേബിക്കതിരെ സഹതാരങ്ങളുടെ കൂട്ടപരാതി. സച്ചിൻ ബേബി അഹങ്കാരിയും സ്വാർത്ഥനുമാണെന്നും വ്യക്തിയാണ്. ടീമില്‍ ഏകാധിപതിയെപ്പോലെ സച്ചിന്‍ പെരുമാറുന്നതെന്നും പരാതിയില്‍ ആരോപിക്കുന്നു. 

അടുത്ത സീസണ്‍ ആരംഭിക്കുന്നതിന് മുമ്പ് പുതിയ ക്യാപ്റ്റനെ വേണമെന്നാണ് ടീമിലെ താരങ്ങളുടെ ആവശ്യം. കെസിഎയ്ക്ക് 13 താരങ്ങളാണ് ഒപ്പിട്ട് സച്ചിന്‍ ബേബിക്കതിരെ പരാതി നല്‍കിയിരിക്കുന്നത്.

വിജയിക്കുമ്പോള്‍ എല്ലാ ക്രെഡിറ്റും ക്യാപ്റ്റന്‍ സ്വന്തമാക്കുന്നു. പരാജയപ്പെട്ടാല്‍ മറ്റു താരങ്ങളെ കുറ്റപ്പെടുത്തുന്നു. നായകന്റെ പെരുമാറ്റം ടീമിലെ അംഗങ്ങളെ വേദനിപ്പിക്കുന്നു. സച്ചിന്‍ ബേബിയുടെ പെരുമാറ്റത്തില്‍ മനംനൊന്ത് ടീമിലെ പല താരങ്ങളും മറ്റു സംസ്ഥാനങ്ങള്‍ വേണ്ടി കളിക്കാന്‍ പോയിട്ടുണ്ടെന്ന് താരങ്ങള്‍ കത്തില്‍ വ്യക്തമാക്കുന്നു. 

വിഷയത്തില്‍ ബെംഗളൂരുവില്‍ നടക്കുന്ന ക്യാപ്റ്റന്‍ തിമ്മയ്യ മെമ്മോറിയല്‍ കെ.എസ്.സി.എ ട്രോഫിക്ക് ശേഷം തീരുമാനമെടുക്കുമെന്ന് കെസിഎ അറിയിച്ചു.