തുടർച്ചയായ അഞ്ചാം ഐപിഎൽ സീസണിലും 500ന് മുകളിൽ സ്കോർ ചെയ്യുന്ന ആദ്യ ഇന്ത്യൻ താരമായി കെഎൽ രാഹുൽ. കൊൽക്കത്തയ്ക്കെതിരായ മത്സരത്തിൽ ഡികോക്കിനൊപ്പം നടത്തിയ പ്രകടനത്തോടെ മറ്റൊരു റെക്കോർഡ് കൂടി രാഹുൽ തന്റെ പേരിലാക്കി.
2018 ഐപിഎൽ സീസണിൽ 659, 2019ൽ 593, 2020ൽ 670 എന്നിങ്ങനെയാണ് രാഹുലിന്റെ പ്രകടനം. കഴിഞ്ഞ ഐപിഎൽ സീസണിൽ 13 കളികളിൽ നിന്ന് 616 റൺസും താരം നേടി. ഈ സീസണിൽ 14 കളികളിൽ നിന്ന് 537 റൺസാണ് രാഹുൽ സ്വന്തമാക്കിയിട്ടു‌‌ള്ളത്. രണ്ട് സെഞ്ചുറി പ്രകടനങ്ങളും ഇതിൽ ഉൾപ്പെടുന്നു.