ഹർഷിതിന് വേണ്ടിയാണോ കുൽദീപിനെ ഒഴിവാക്കുന്നത്?, അങ്ങനെയെങ്കിൽ അവനെ ഓൾ റൗണ്ടറെ പോലെ കളിപ്പിക്കണം

ഓസ്‌ട്രേലിയക്കെതിരായ ആദ്യ ഏകദിനത്തില്‍ ഏര്‍പ്പെട്ട പരാജയത്തില്‍ കുല്‍ദീപ് യാദവിന് പകരം ഹര്‍ഷിത് റാണയെ പ്ലേയിങ് ഇലവനില്‍ ഉള്‍പ്പെടുത്തിയ ഇന്ത്യന്‍ തീരുമാനത്തെ ചോദ്യം ചെയ്ത് മുന്‍ ഇന്ത്യന്‍ എ ടീം നായകന്‍ പ്രിയാങ്ക് പാഞ്ചാല്‍. മത്സരത്തില്‍ കുല്‍ദീപിന് പകരമായി ഹര്‍ഷിത് റാണയെയാണ് ഇന്ത്യ കളിക്കാനിറക്കിയത്. ബാറ്റിങ്ങില്‍ ബാലന്‍സ് നല്‍കുന്നതിന് വേണ്ടി മാത്രം സ്‌പെഷ്യലിസ്റ്റ് ബാറ്ററെ മാറ്റി ഹര്‍ഷിതിന് അവസരം നല്‍കുന്ന തീരുമാനത്തെയാണ് പ്രിയങ്ക് പാഞ്ചാല്‍ എക്‌സിലൂടെ ചോദ്യം ചെയ്തത്. മത്സരത്തില്‍ എട്ടാമത് ബാറ്റ് ചെയ്യാനെത്തി 2 പന്തില്‍ ഒരു റണ്‍സ് മാത്രം നേടി ഹര്‍ഷിത് പുറത്തായിരുന്നു. 4 ഓവറില്‍ 27 റണ്‍സും താരം വഴങ്ങിയിരുന്നു.