വാഷിങ്‌ടണ്‍ സുന്ദര്‍, ദീപക് ചഹര്‍ എന്നിവരാണ് കുല്‍‌ദീപിന് പകരക്കാരനായി ടീമില്‍ എത്തിയത്. ആരാധകരെ പോലും ഞെട്ടിച്ച കാര്യമായിരുന്നു ഇത്. എന്നാല്‍, സെലക്‍ടര്‍മാര്‍ തന്നെ ഒഴിവാക്കിയതില്‍ നിരാശയില്ലെന്നാണ് കുല്‍ദീപ് പറയുന്നത്.
അവസാന രണ്ട് ട്വന്റി-20 പരമ്പരയില്‍ ടീമില്‍ അവസരം ലഭിക്കാതിരുന്നത് നിരാശനാക്കുന്നില്ല. ചില മാറ്റങ്ങള്‍ ആവശ്യമാണെന്ന് ടീം തിരിച്ചറിഞ്ഞിട്ടുണ്ടാവാം. അതിനെ ബഹുമാനിക്കുന്നു, അതിനാല്‍ പരാതികളില്ല. ടെസ്റ്റ് ക്രിക്കറ്റില്‍ മികവ് തെളിയിക്കാന്‍ ഈ സമയം പ്രയോജനപ്പെടുത്താം എന്ന് വിശ്വസിക്കുന്നതായും കുല്‍ദീപ് പറഞ്ഞു.