New Zealand vs Bangladesh ODI World Cup Match: ബംഗ്ലാദേശിനെ എട്ട് വിക്കറ്റിനു തകര്‍ത്ത് കിവീസ്, പോയിന്റ് ടേബിളില്‍ ഒന്നാം സ്ഥാനത്ത്

New Zealand vs Bangladesh ODI World Cup Match: തുടര്‍ച്ചയായ മൂന്നാം ജയവുമായി ന്യൂസിലന്‍ഡ് ലോകകപ്പ് പോയിന്റ് പട്ടികയില്‍ ഒന്നാം സ്ഥാനത്ത്. മൂന്നാം മത്സരത്തില്‍ ബംഗ്ലാദേശിനെ എട്ട് വിക്കറ്റിനാണ് ന്യൂസിലന്‍ഡ് തകര്‍ത്തത്. ആദ്യം ബാറ്റ് ചെയ്ത ബംഗ്ലാദേശ് നിശ്ചിത 50 ഓവറില്‍ ഒന്‍പത് വിക്കറ്റ് നഷ്ടത്തില്‍ 245 റണ്‍സ് നേടിയപ്പോള്‍ 42.5 ഓവറില്‍ വെറും രണ്ട് വിക്കറ്റ് മാത്രം നഷ്ടപ്പെടുത്തി ന്യൂസിലന്‍ഡ് വിജയത്തിലെത്തി. 

ഡാരില്‍ മിച്ചല്‍ 67 പന്തില്‍ 89 റണ്‍സുമായി പുറത്താകാതെ നിന്നു. നായകന്‍ കെയ്ന്‍ വില്യംസണ്‍ 107 പന്തില്‍ 78 റണ്‍സ് (റിട്ടേഡ് ഹര്‍ട്ട്) നേടി. ഡെവന്‍ കോണ്‍വെയും (59 പന്തില്‍ 45) കിവീസിന്റെ ജയത്തില്‍ നിര്‍ണായക പങ്ക് വഹിച്ചു.