New Zealand vs Pakistan, 2nd T20I: ന്യൂസിലന്‍ഡിനോടു വീണ്ടും തോറ്റ് പാക്കിസ്ഥാന്‍

ഓപ്പണര്‍മാരായ ടിം സെയ്ഫര്‍ട്ട് (22 പന്തില്‍ 45), ഫിന്‍ അലന്‍ (16 പന്തില്‍ 38) ന്യൂസിലന്‍ഡിനു മികച്ച തുടക്കം നല്‍കി

New Zealand vs pakistan

New Zealand vs Pakistan, 2nd T20I: ന്യൂസിലന്‍ഡിനെതിരായ രണ്ടാം ട്വന്റി 20 മത്സരത്തിലും പാക്കിസ്ഥാനു തോല്‍വി. മഴയെ തുടര്‍ന്ന് 15 ഓവറാക്കി ചുരുക്കിയ മത്സരത്തില്‍ അഞ്ച് വിക്കറ്റിനാണ് ആതിഥേയരുടെ ജയം. ആദ്യം ബാറ്റ് ചെയ്ത പാക്കിസ്ഥാന്‍ 15 ഓവറില്‍ ഒന്‍പത് വിക്കറ്റ് നഷ്ടത്തില്‍ 135 റണ്‍സ് നേടിയപ്പോള്‍ മറുപടി ബാറ്റിങ്ങില്‍ അഞ്ച് വിക്കറ്റും 11 പന്തുകളും ശേഷിക്കെ കിവീസ് ലക്ഷ്യം കണ്ടു. 

ഓപ്പണര്‍മാരായ ടിം സെയ്ഫര്‍ട്ട് (22 പന്തില്‍ 45), ഫിന്‍ അലന്‍ (16 പന്തില്‍ 38) ന്യൂസിലന്‍ഡിനു മികച്ച തുടക്കം നല്‍കി. ഷഹീന്‍ അഫ്രീദിയുടെ ഓരോവറില്‍ സെയ്ഫര്‍ട്ട് നാല് സിക്‌സുകള്‍ പറത്തി. സെയ്ഫര്‍ട്ട് തന്നെയാണ് കളിയിലെ താരം. മിച്ചല്‍ ഹേ 16 പന്തില്‍ 21 റണ്‍സുമായി പുറത്താകാതെ നിന്നു. ഹാരിസ് റൗഫ് പാക്കിസ്ഥാനായി മൂന്ന് ഓവറില്‍ 20 റണ്‍സ് മാത്രം വഴങ്ങി രണ്ട് വിക്കറ്റുകള്‍ വീഴ്ത്തിയെങ്കിലും മത്സരം ജയിപ്പിക്കാനായില്ല. 

28 പന്തില്‍ 46 റണ്‍സെടുത്ത നായകന്‍ സല്‍മാന്‍ ആഗയാണ് പാക്കിസ്ഥാന്റെ ടോപ് സ്‌കോറര്‍. ഷദാബ് ഖാന്‍ (14 പന്തില്‍ 26), ഷഹീന്‍ അഫ്രീദി (14 പന്തില്‍ പുറത്താകാതെ 22) എന്നിവരും പാക്കിസ്ഥാനായി ബാറ്റിങ്ങില്‍ തിളങ്ങി. 

അഞ്ച് മത്സരങ്ങളുടെ ട്വന്റി 20 പരമ്പരയില്‍ 2-0 ത്തിനു ന്യൂസിലന്‍ഡി ലീഡെടുത്തു. ആദ്യ ടി20 മത്സരത്തില്‍ ഒന്‍പത് വിക്കറ്റിനു കിവീസ് ജയം സ്വന്തമാക്കി.