ലോക ടെസ്റ്റ് ചാമ്പ്യൻഷിപ്പ് ഫൈനലിനുള്ള ന്യൂസിലൻഡ് ടീമിനെ പ്രഖ്യാപിച്ചു,സ്പെഷ്യ‌ലിസ്റ്റ് സ്പിന്നറായി അജാക്‌സ് പട്ടേൽ

ഇന്ത്യക്കെതിരായ ലോക ടെസ്റ്റ് ചാമ്പ്യൻഷിപ്പ് ഫൈനലിനായുള്ള 15 അംഗ സംഘത്തെ പ്രഖ്യാപിച്ച് ന്യൂസിലൻഡ്. സ്പെഷ്യലിസ്റ്റ് സ്പിന്നറായി അജാക്‌സ് പട്ടേൽ ടീമിൽ ഇടം പിടിച്ചു.

കോളിൻ ഗ്രാൻഡ്‌ഹോം അടക്കം ആറ് പേസർമാരാണ് ടീമിലുള്ളത്. നാല് പേസർമാരും ഒരു സ്പിന്നറുമായിരിക്കും ഇന്ത്യക്കെതിരായ ഫൈനലിൽ അണിനിരക്കുക.ഇംഗ്ലണ്ടിനെതിരേ അരങ്ങേറ്റം കുറിച്ച ഡെവോണ്‍ കോണ്‍വെയും ടീമിലിടം നേടി. അതേസമയം പരിക്കിലുള്ള വില്യംസണിന് കളിക്കാനായില്ലെങ്കിൽ ടോം ലാഥമാകും ന്യൂസിലൻഡ് നായകനാവുക.

ബൗളിങ്ങിൽ ടിം സൗത്തിയും നീൽ‌ വാഗ്‌നറും ട്രെന്റ് ബോൾട്ടും അണിനിരക്കുന്ന നിര ശക്തമാണ്. റോസ് ടെയ്‌ലര്‍, ഹെന്റി നിക്കോള്‍സ്, വില്‍ യങ്, ബിജെ വാട്ടലിങ്, ടോം ബ്ലന്‍ഡല്‍ എന്നിവരെല്ലാം ബാറ്റിങ്ങിൽ തിളങ്ങാൻ കഴിയുന്നവരാണ്. ഫോമിലില്ലാത്ത ടോം ലാഥമും പരിക്കിലായ വില്യംസണും മാത്രമാണ് ടീമിന് തലവേദന സൃഷ്‌ടിക്കുന്നത്.

ന്യൂസിലൻഡ് 15 അംഗ ടീം

റോസ് ടെയ്‌ലര്‍, ഹെന്‍ റി നിക്കോള്‍സ്, വില്‍ യങ്, ബിജെ വാട്ട്‌ലിങ്, ടോം ബ്ലന്‍ഡല്‍, കോളിന്‍ ഡി ഗ്രാന്റ്‌ഹോം,ടോം ലാദം, ഡെവോണ്‍ കോണ്‍വെ, കെയ്ന്‍ വില്യംസണ്‍,

കെയ്ല്‍ ജാമിസന്‍, ടിം സൗത്തി, നീല്‍ വാഗ്നര്‍, അജാസ് പട്ടേല്‍, ട്രന്റ് ബോള്‍ട്ട്, മാറ്റ് ഹെന്റി.