ഇന്ത്യന്‍ ക്രിക്കറ്റ് ടീം ക്യാപ്‌റ്റന്‍ വിരാട് കോഹ്‌ലിയുടെ റെക്കോര്‍ഡ് തകര്‍ത്ത് രോഹിത് ശര്‍മ്മ.
രാജ്യാന്തര ട്വന്റി-20യില്‍ ഇന്ത്യക്കായി ഏറ്റവും കൂടുതല്‍ റണ്‍സ് നേടിയ കോഹ്‌ലിയുടെ റെക്കോര്‍ഡാണ് വെസ്റ്റ് ഇന്‍ഡീസിനെതിരായ രണ്ടാം മത്സരത്തില്‍ ഹിറ്റ്മാന് തകര്‍ത്തെറിഞ്ഞത്.
വിന്‍ഡീസിനെതിരായ രണ്ടാം ട്വന്റി-20യില്‍ പുറത്താകാതെ 111 റണ്‍സാണ് രോഹിത് അടിച്ചുകൂട്ടിയത്. വ്യക്തിഗത സ്‌കോര്‍ 11ല്‍ നില്‍ക്കെയാണ് കോഹ്‌ലിയുടെ നേട്ടം അദ്ദേഹം മറികടന്നത്.
62 രാജ്യാന്തര ട്വന്റി-20യില്‍ നിന്ന് 48.88 റണ്‍സ് ശരാശരിയില്‍ 2102 റണ്‍സ് നേടിയ വിരാട് കോഹ്‌ലിയുടെ റെക്കോര്‍ഡാണ് 86മത് മല്‍സരത്തില്‍ രോഹിത് മറികടന്നത്.
ട്വന്റി-20യില്‍ ഏറ്റവും അധികം സെഞ്ചുറി നേടുന്ന താരം (നാല് സെഞ്ചുറി) എന്ന റെക്കോര്‍ഡും രോഹിത് സ്വന്തമാക്കി. മാത്രമല്ല 50 റണ്‍സിന് മുകളില്‍ ഏറ്റവും കൂടുതല്‍ തവണ സ്‌കോര്‍ ചെയ്യുന്ന താരം എന്ന ബഹുമതിയും ഹിറ്റ്മാന് സ്വന്തമായി.