ബിസിസിഐ വാർഷിക കരാർ പ്രഖ്യാപനം ഉടൻ, കോലി, രോഹിത്, ജഡേജ എന്നിവരെ തരംതാഴ്ത്തിയേക്കുമെന്ന് റിപ്പോർട്ട്

ഇന്ത്യന്‍ പുരുഷ ക്രിക്കറ്റ് ടീം താരങ്ങളുടെ വാര്‍ഷിക കരാറുകള്‍ ബിസിസിഐ വരും ദിവസം പ്രഖ്യാപിക്കാനിക്കെ ഇന്ത്യന്‍ ക്യാപ്റ്റന്‍ രോഹിത് ശര്‍മ, രവീന്ദ്ര ജഡേജ, വിരാട് കോലി എന്നിവരെ എ പ്ലസ് കാറ്റഗറിയില്‍ നിന്നും എ വിഭാഗത്തിലേക്ക് തരം താഴ്ത്തുമെന്ന് റിപ്പോര്‍ട്ട്. 

 കഴിഞ്ഞ വര്‍ഷം ടി20 ലോകകപ്പോടെ ടി20 ഫോര്‍മാറ്റില്‍ നിന്നും 3 പേരും വിരമിച്ചതോടെയാണ് 3 താരങ്ങളെയും കരാറില്‍ തരം താഴ്ത്തുന്നതെന്നാണ് റിപ്പോര്‍ട്ടില്‍ പറയുന്നത്. നിലവില്‍ 3 ഫോര്‍മാറ്റിലുമായി ടീമിലെ പ്രധാനതാരങ്ങള്‍ക്കാണ് എ പ്ലസ് കാറ്ററി നല്‍കാറുള്ളത്. വാര്‍ഷിക കരാര്‍ പ്രകാരം എ പ്ലസ് കാറ്റഗറിയിലുള്ളവര്‍ക്ക് 7 കോടി രൂപയാണ് വാര്‍ഷിക പ്രതിഫലം. എ ഗ്രേഡില്‍ 5 കോടിയും ബി ഗ്രേഡില്‍ 3 കോടിയും സി ഗ്രേഡുകാര്‍ക്ക് ഒരു കോടി രൂപയുമാണ് വാര്‍ഷിക പ്രതിഫലമായി ലഭിക്കുക.

 നിലവില്‍ രോഹിത് ശര്‍മ, വിരാട് കോലി,രവീന്ദ്ര ജഡേജ, ജസ്പ്രീത് ബുമ്ര എന്നിവരാണ് എ പ്ലസ് കാറ്റഗറിയിലുള്ളത്. അടുത്ത വാര്‍ഷിക കരാറില്‍ യശ്വസി ജയ്‌സ്വാള്‍,ശുഭ്മാന്‍ ഗില്‍,അക്‌സര്‍ പട്ടേല്‍ എന്നിവരെ ബി ഗ്രേഡില്‍ നിന്നും എ ഗ്രേഡിലേക്ക് മാറ്റുമെന്നാണ് സൂചന. നിതീഷ് കുമാര്‍ റെഡ്ഡി, ഹര്‍ഷിത് റാണ, അഭിഷേക് ശര്‍മ എന്നിവരാകും സി കാറ്റഗറിയില്‍ ഉള്‍പ്പെടുന്ന പുതിയ താരങ്ങള്‍.