മുന്നില്‍ നിന്ന് നയിച്ച് നായകന്‍; സഞ്ജുവിന് അര്‍ധ സെഞ്ചുറി

ന്യൂസിലന്‍ഡ് എ ടീമിനെതിരായ മൂന്നാം ഏകദിന മത്സരത്തില്‍ ഇന്ത്യ എ ടീം നായകന്‍ സഞ്ജു സാംസണ് അര്‍ധ സെഞ്ചുറി. ഏറ്റവും ഒടുവില്‍ റിപ്പോര്‍ട്ട് ലഭിക്കുമ്പോള്‍ 66 ബോളില്‍ ഒരു ഫോറും രണ്ട് സിക്‌സും സഹിതം 54 റണ്‍സുമായി ഇന്ത്യന്‍ എ ടീം നായകന്‍ ക്രീസിലുണ്ട്. തിലക് വര്‍മയും അര്‍ധ സെഞ്ചുറി നേടി. 62 പന്തില്‍ 50 റണ്‍സ് നേടിയാണ് തിലക് പുറത്തായത്. 35 ഓവറില്‍ നാല് വിക്കറ്റ് നഷ്ടത്തില്‍ 195 റണ്‍സാണ് ഇന്ത്യ എ ടീം ഇപ്പോള്‍ നേടിയിരിക്കുന്നത്. ടോസ് ലഭിച്ച ഇന്ത്യ ബാറ്റിങ് തിരഞ്ഞെടുക്കുകയായിരുന്നു.