രാജ്യത്തിനായി അവൻ അത്ഭുതങ്ങൾ സൃഷ്ടിക്കും: യുവതാരത്തെ പുകഴ്‌ത്തി സെലക്‌ടർമാർ

ഇന്ത്യൻ ക്രിക്കറ്റിൽ റുതുരാജ് ഗെയ്ക്ക്‌വാദിന് അത്ഭുതങ്ങൾ സൃഷ്ടിക്കാനാവുമെന്ന് ചീഫ് സെലക്‌ടർ ചേതൻ ശർമ. സൗത്താഫ്രിക്കയ്ക്കെതിരായ ഏകദിന സംഘത്തിലേക്ക് റുതുരാജിനെ ഉൾപ്പെടുത്തിയതിന് പിന്നാലെയാണ് ചേതൻ ശർമയുടെ വാക്കുകൾ. ശരിയായ സമയത്താണ് താരത്തിന് അവസരം ലഭിച്ചിരിക്കുന്നതെന്നും രാജ്യത്തിനായി അത്ഭുതങ്ങൾ കാണിക്കാൻ റുതുരാജിന് കഴിയുമെന്നും ചേതൻ ശർമ പറഞ്ഞു.

2021 ഐപിഎല്ലിൽ 635 റൺസുമായി ഓറഞ്ച് ക്യാപ് നേടിയ റുതുരാജ് ടീമിന്റെ കിരീടവിജയത്തിൽ നിർണായകമായ പങ്കാണ് വഹിച്ചത്. ഐപിഎല്ലിന് പിന്നാലെ വന്ന വിജയ് ഹസാരെ ട്രോഫിയിൽ 5 കളികളിൽ നിന്ന് 603 റൺസാണ് താരം നേടിയത്.