Shaheen vs Babar: അടി പൊട്ടുമോ?, ഇംഗ്ലണ്ടുമായുള്ള ടെസ്റ്റിനിടെ ബാബർ അസമിനെ സിംബു, സിംബു എന്ന് വിളിച്ച് ഷഹീൻ അഫ്രീദി,വീഡിയോ: പുതിയ വിവാദം

Shaheen Afridi, Babar Azam

പാകിസ്ഥാന്‍ ക്രിക്കറ്റ് മാത്രമല്ല പാകിസ്ഥാന്‍ സ്റ്റാര്‍ ബാറ്ററായ ബാബര്‍ അസമും ഒരു മോശം ഘട്ടത്തിലൂടെയാണ് നിലവില്‍ കടന്നുപോകുന്നത്. 2022ല്‍ ന്യൂസിലന്‍ഡിനെതിരെ കറാച്ചിയില്‍ 161 റണ്‍സ് സ്വന്തമാക്കിയതിന് ശേഷം ടെസ്റ്റില്‍ നല്ലൊരു പ്രകടനം പോലും നടത്താന്‍ ബാബറിനായിട്ടില്ല. പാകിസ്ഥാന്‍ ടീമാകട്ടെ തങ്ങളുടെ ഏറ്റവും മോശം കാലഘട്ടത്തിലൂടെയാണ് കടന്നുപോകുന്നത്. ഇതിനിടയില്‍ പാക് ക്യാമ്പില്‍ ബാബര്‍ അസമും പേസര്‍ ഷഹീന്‍ അഫ്രീദിയും തമ്മിലുള്ള വഴക്കും പുറത്തുപാട്ടാണ്.

ഇടക്കാലത്ത് ബാബര്‍ അസമിന് പകരം ഷഹീന്‍ അഫ്രീദി നായകസ്ഥാനം ഏറ്റെടുത്തിരുന്നെങ്കിലും വൈകാതെ തന്നെ ബാബറിന് തന്നെ പാക് ക്രിക്കറ്റ് ബോര്‍ഡ് ചുമതല നല്‍കുകയായിരുന്നു. മുള്‍ട്ടാനിലെ ഹൈവേയെന്ന് വിശേഷിപ്പിക്കപ്പെടുന്ന പിച്ചില്‍ ഇംഗ്ലണ്ടിനെതിരായ ടെസ്റ്റില്‍ 30, 5 എന്നിങ്ങനെയാണ് ബാബറിന്റെ സ്‌കോറുകള്‍. വിമര്‍ശകര്‍ സിംബാബര്‍ എന്നും സിംബു എന്നുമെല്ലാമാണ് ബാബറിനെ പരിഹസിക്കാന്‍ ഉപയോഗിക്കാറുള്ളത്. ചെറിയ ടീമുകള്‍ക്കെതിരെ മാത്രമാണ് ബാബര്‍ മികച്ച പ്രകടനങ്ങള്‍ നടത്താറുള്ളത് എന്നതാണ് ഇതിന് കാരണം.