ബിസിസിഐയുടെ പണി ഇരന്ന് വാങ്ങി ശ്രേയസും കിഷനും, വാർഷിക കരാറിൽ നിന്നും പുറത്ത്

ബിസിസിഐ വാര്‍ഷിക കരാറില്‍ നിന്നും ഇന്ത്യന്‍ താരങ്ങളായ ഇഷാന്‍ കിഷനെയും ശ്രേയസ് അയ്യരിനെയും പുറത്താക്കി ബിസിസിഐ. ഇന്ന് പ്രഖ്യാപിച്ച കരാര്‍ പട്ടികയില്‍ നിന്നാണ് താരങ്ങളെ ബിസിസിഐ പുറത്താക്കിയത്. കെ എല്‍ രാഹുല്‍,ശുഭ്മാന്‍ ഗില്‍,മുഹമ്മദ് സിറാജ് എന്നിവര്‍ എ ഗ്രേഡിലേക്ക് മുന്നേറിയപ്പോള്‍ പരിക്ക് മൂലം കഴിഞ്ഞ ഒരു വര്‍ഷമായി പുറത്തിരിക്കുന്ന വിക്കറ്റ് കീപ്പര്‍ താരം റിഷഭ് പന്തിനെ ഗ്രേഡ് ബിയിലേക്ക് മാറ്റി.

കഴിഞ്ഞ സീസണില്‍ ഗ്രേഡ് എ കരാറുണ്ടായിരുന്ന അക്ഷര്‍ പട്ടേല്‍ ഗ്രേഡ് ബിയിലേക്ക് മാറ്റപ്പെട്ടു. ഹാര്‍ദ്ദിക് പാണ്ഡ്യ,ആര്‍ അശ്വിന്‍,മൊഹമ്മദ് സിറാജ് എന്നിവര്‍ ഗ്രേഡ് എ കരാര്‍ നിലനിര്‍ത്തി. ഇന്ത്യന്‍ നായകന്‍ രോഹിത് ശര്‍മ,ജസ്പ്രീത് ബുമ്ര,വിരാട് കോലി,രവീന്ദ്ര ജഡേജ എന്നിവരാണ് എ പ്ലസ് ഗ്രേഡിലുള്ള താരങ്ങള്‍. ഗ്രേഡ് എ+ലുള്ള താരങ്ങള്‍ക്ക് വര്‍ഷം 7 കോടി രൂപയും ഗ്രേഡ് എയിലുള്ള താരങ്ങള്‍ക്ക് 5 കോടി രൂപയും ഗ്രേഡ് ബി താരങ്ങള്‍ക്ക് 3 കോടി രൂപയും ഗ്രേഡ് സി താരങ്ങള്‍ക്ക് ഒരു കോടി രൂപയുമാകും കരാര്‍ പ്രകാരം ലഭിക്കുക.

ഗ്രേഡ് എ+ താരങ്ങള്‍: രോഹിത് ശര്‍മ,വിരാട് കോലി,ജസ്പ്രീത് ബുമ്ര,രവീന്ദ്ര ജഡേജ

ഗ്രേഡ് എ: അശ്വിന്‍,മൊഹമ്മദ് സിറാജ്,കെ എല്‍ രാഹുല്‍,ശുഭ്മാന്‍ ഗില്‍,ഹാര്‍ദ്ദിക് പാണ്ഡ്യ

ഗ്രേഡ് ബി: സൂര്യകുമാര്‍ യാദവ്,റിഷഭ് പന്ത്,കുല്‍ദീപ് യാദവ്,അക്ഷര്‍ പട്ടേല്‍,യശ്വസി ജയ്‌സ്വാള്‍

ഗ്രേഡ് സി: റിങ്കു സിംഗ്,തിലക് വര്‍മ,റുതുരാജ് ഗെയ്ക്ക്വാദ്,ശാര്‍ദൂല്‍ താക്കൂര്‍,ശിവം ദുബെ,രവി ബിഷ്‌ണോയ്,ജിതേഷ് ശര്‍മ,വാഷിങ്ങ്ടണ്‍ സുന്ദര്‍,മുകേഷ് കുമാര്‍,സഞ്ജു സാംസണ്‍,ആര്‍ഷദീപ് സിംഗ്,കെ എസ് ഭരത്,പ്രസിദ്ധ് കൃഷ്ണ,ആവേഷ് ഖാന്‍,രജത് പാട്ടീദാര്‍