കന്നി ടെസ്റ്റ് സെഞ്ചുറിയുമായി ശുഭ്മാന്‍ ഗില്‍
ഡ്രസിങ് റൂമിന് നേരെ ബാറ്റ് ഉയര്‍ത്തിയാണ് താരം സെഞ്ചുറി ആഘോഷിച്ചത്
ടെസ്റ്റ് കരിയറിലെ ആദ്യ സെഞ്ചുറി കുറിച്ച് യുവതാരം ശുഭ്മാന്‍ ഗില്‍. ബംഗ്ലാദേശിനെതിരായ ടെസ്റ്റ് മത്സരത്തിലാണ് ഇന്ത്യക്ക് വേണ്ടി ഗില്‍ സെഞ്ചുറി നേടിയത്. അരങ്ങേറ്റം കുറിച്ച് 12-ാം മത്സരത്തിലാണ് ഗില്ലിന്റെ ആദ്യ സെഞ്ചുറി. 147 പന്തുകള്‍ നേരിട്ട ഗില്‍ ഒന്‍പത് ഫോറും രണ്ട് സിക്‌സും സഹിതമാണ് സെഞ്ചുറി തികച്ചത്. ടെസ്റ്റില്‍ നാല് തവണ താരം അര്‍ധ സെഞ്ചുറി നേടിയിട്ടുണ്ട്. ഡ്രസിങ് റൂമിന് നേരെ ബാറ്റ് ഉയര്‍ത്തിയാണ് താരം സെഞ്ചുറി ആഘോഷിച്ചത്.
