നായകസ്ഥാനത്തേക്ക് സൂര്യയെ പരിഗണിക്കുന്നില്ല; ടി20 യില്‍ രോഹിത്തിന്റെ പിന്‍ഗാമി ഹാര്‍ദിക് തന്നെ

ട്വന്റി 20 ഫോര്‍മാറ്റില്‍ പാണ്ഡ്യ മുഴുവന്‍ സമയ നായകസ്ഥാനം ഏറ്റെടുക്കും

രേണുക വേണു
ചൊവ്വ, 16 ജൂലൈ 2024 (17:12 IST)
Hardik Pandya and Suryakumar Yadav

ശ്രീലങ്കയ്‌ക്കെതിരായ ട്വന്റി 20 പരമ്പരയില്‍ ഇന്ത്യയെ നയിക്കുക ഹാര്‍ദിക് പാണ്ഡ്യ തന്നെ. സൂര്യകുമാര്‍ യാദവിനെ നായകസ്ഥാനത്തേക്ക് പരിഗണിക്കുന്നു എന്ന വാര്‍ത്തകളെ ബിസിസിഐയുമായി അടുത്ത വൃത്തങ്ങള്‍ പൂര്‍ണമായി തള്ളി. ഒരു ഘട്ടത്തില്‍ പോലും സൂര്യയെ നായകനാക്കാനുള്ള ചര്‍ച്ചകള്‍ നടന്നിട്ടില്ലെന്ന് ബിസിസിഐ വൃത്തങ്ങളെ ഉദ്ധരിച്ച് ന്യൂസ് 18 റിപ്പോര്‍ട്ട് ചെയ്യുന്നു. അതേസമയം ശ്രീലങ്കന്‍ പര്യടനത്തിലെ ഏകദിന പരമ്പരയില്‍ പാണ്ഡ്യ കളിക്കില്ല. 
 
' ശ്രീലങ്കന്‍ പര്യടനത്തിനു താന്‍ പൂര്‍ണമായി സജ്ജനെന്ന് ഹാര്‍ദിക് പാണ്ഡ്യ ബിസിസിഐയെ അറിയിച്ചിട്ടുണ്ട്. മൂന്ന് ട്വന്റി 20 മത്സരങ്ങള്‍ കഴിഞ്ഞാല്‍ അദ്ദേഹം നാട്ടിലേക്ക് തിരിക്കും. പരുക്കിന്റെ ആശങ്കകളൊന്നും ഇപ്പോള്‍ പാണ്ഡ്യയ്ക്കില്ല, അദ്ദേഹം പൂര്‍ണ ഫിറ്റ്‌നെസിലാണ് ഉള്ളത്. ചില വ്യക്തിപരമായ കാരണങ്ങളാലാണ് ഏകദിന പരമ്പര കളിക്കാന്‍ അദ്ദേഹം നില്‍ക്കാത്തത്,' ബിസിസിഐ വൃത്തങ്ങള്‍ വ്യക്തമാക്കി. 
 
ട്വന്റി 20 ഫോര്‍മാറ്റില്‍ പാണ്ഡ്യ മുഴുവന്‍ സമയ നായകസ്ഥാനം ഏറ്റെടുക്കും. രോഹിത്തിന്റെ പിന്‍ഗാമിയായി പാണ്ഡ്യ മാത്രമാണ് നിലവില്‍ ബിസിസിഐയുടെ പരിഗണനയിലുള്ളത്. സൂര്യകുമാര്‍ യാദവിനെ ഒരു ഫോര്‍മാറ്റിലും ക്യാപ്റ്റന്‍സിയിലേക്ക് പരിഗണിച്ചിട്ടില്ലെന്നും ബിസിസിഐ വൃത്തങ്ങള്‍ റിപ്പോര്‍ട്ട് ചെയ്യുന്നു. 
 
മൂന്ന് വീതം മത്സരങ്ങളുള്ള ട്വന്റി 20, ഏകദിന പരമ്പരയാണ് ഇന്ത്യ ശ്രീലങ്കയില്‍ കളിക്കുക. മുഖ്യ പരിശീലകനായി ചുമതലയേറ്റ ശേഷമുള്ള ഗംഭീറിന്റെ ആദ്യ പര്യടനം കൂടിയാണ് ഇത്. ഏകദിനത്തില്‍ കെ.എല്‍.രാഹുല്‍ ആയിരിക്കും ഇന്ത്യയെ നയിക്കുക. 
 

അനുബന്ധ വാര്‍ത്തകള്‍

വായിക്കുക

സുഹൃത്തെന്നാൽ ഇങ്ങനെ വേണം, മോശം സമയത്ത് സ്മൃതിക്കൊപ്പം നിൽക്കണം, ബിബിഎൽ കളിക്കാനില്ലെന്ന് ജെമീമ റോഡ്രിഗസ്

WTC : ഇന്ത്യയ്ക്കിനി ബാക്കിയുള്ളത് 9 ടെസ്റ്റുകൾ, ലോക ടെസ്റ്റ് ചാമ്പ്യൻഷിപ്പ് ഫൈനലിലെത്തുമോ?, സാധ്യതകൾ എന്തെല്ലാം

Gautam Gambhir: ഗംഭീര്‍ തുടരട്ടെ, മാറ്റാനൊന്നും പ്ലാനില്ല; രണ്ടുംകല്‍പ്പിച്ച് ബിസിസിഐ

WPL 2026: ദീപ്തി ശർമയും ലോറ വോൾവാർഡും താരലേലത്തിൽ, അവസരം കാത്ത് 7 മലയാളി താരങ്ങൾ, വനിതാ പ്രീമിയർ ലീഗ് താരലേലം ഇന്ന്

ഹർമൻ പ്രീതില്ല, ക്യാപ്റ്റനായി ലോറ വോൾവാർഡ്, വനിതാ ഏകദിന ലോകകപ്പ് ടീമിനെ പ്രഖ്യാപിച്ച് ഐസിസി

എല്ലാം കാണുക

ഏറ്റവും പുതിയത്

ഇന്ത്യ-ശ്രീലങ്ക വനിതാ ടി20 പരമ്പര: മൂന്ന് മത്സരങ്ങള്‍ക്ക് തിരുവനന്തപുരം വേദിയാകും

Ayush Mhatre: അണ്ടര്‍ 19 ഏഷ്യ കപ്പില്‍ ഇന്ത്യയെ നയിക്കാന്‍ ആയുഷ്

കളിച്ചത് മോശം ക്രിക്കറ്റാണ്, എല്ലാവരോടും മാപ്പ് ചോദിക്കുന്നു : ഋഷഭ് പന്ത്

ഗംഭീർ അതിരുവിട്ടു, പ്രസ്താവനയിൽ ബിസിസിഐയ്ക്ക് അതൃപ്തി, നടപടി ഉടനില്ല, ടി20 ലോകകപ്പിന് ശേഷം തീരുമാനം

കമ്മിൻസ് പുറത്ത് തന്നെ, രണ്ടാം ആഷസ് ടെസ്റ്റിനുള്ള ഓസ്ട്രേലിയൻ ടീമിൽ മാറ്റമില്ല

അടുത്ത ലേഖനം
Show comments