Webdunia - Bharat's app for daily news and videos

Install App

Angelo Mathews: പ്രായം 36, കളിക്കുന്നത് നാലാം ലോകകപ്പ്; പരിചയസമ്പത്ത് വെറുംവാക്കല്ല ! ഇംഗ്ലണ്ടിന്റെ അന്ധകരില്‍ ഒരാള്‍ ആഞ്ചലോ

2011 മുതല്‍ 2023 വരെ നാല് ലോകകപ്പുകളിലും മാത്യുസ് ഇപ്പോള്‍ ശ്രീലങ്കയ്ക്ക് വേണ്ടി കളിച്ചു

Webdunia
വ്യാഴം, 26 ഒക്‌ടോബര്‍ 2023 (20:13 IST)
Angelo Mathews: ഈ ലോകകപ്പിലെ ഏറ്റവും വലിയ അട്ടിമറികളില്‍ ഒന്നാണ് ഇപ്പോള്‍ ബെംഗളൂരു ചിന്നസ്വാമി സ്റ്റേഡിയത്തില്‍ നടന്നത്. നിലവിലെ ചാംപ്യന്‍മാരായ ഇംഗ്ലണ്ടിനെ യോഗ്യതാ മത്സരം കളിച്ച് ലോകകപ്പിലേക്ക് എത്തിയ ശ്രീലങ്ക എട്ട് വിക്കറ്റിന് അട്ടിമറിച്ചു. ആദ്യം ബാറ്റ് ചെയ്ത ഇംഗ്ലണ്ട് 33.2 ഓവറില്‍ 156 ന് ഓള്‍ഔട്ടായി. മറുപടി ബാറ്റിങ്ങില്‍ ശ്രീലങ്ക 25.4 ഓവറില്‍ രണ്ട് വിക്കറ്റ് നഷ്ടത്തില്‍ ലക്ഷ്യം കണ്ടു. 36 കാരനായ ആഞ്ചലോ മാത്യുസ് ശ്രീലങ്കയുടെ വിജയത്തില്‍ നിര്‍ണായക പങ്കുവഹിച്ചു. ലോകകപ്പിനുള്ള സ്‌ക്വാഡ് പ്രഖ്യാപിച്ചപ്പോള്‍ മാത്യുസിന് ടീമില്‍ സ്ഥാനമുണ്ടായിരുന്നില്ല. മതീഷ പതിരാനയ്ക്ക് പരുക്കേറ്റപ്പോള്‍ പകരക്കാരനായാണ് മാത്യുസ് ടീമില്‍ എത്തിയത്. ഇപ്പോള്‍ ടീമിന്റെ അവിഭാജ്യ ഘടകമായി മാറിയിരിക്കുകയാണ് ശ്രീലങ്കയുടെ മുന്‍ നായകന്‍. 
 
അഞ്ച് ഓവറില്‍ വെറും 14 റണ്‍സ് വഴങ്ങി രണ്ട് വിക്കറ്റുകള്‍ മാത്യുസ് വീഴ്ത്തി. ഡേവിഡ് മലാന്‍, മൊയീന്‍ അലി എന്നിവരെയാണ് മാത്യുസ് പുറത്താക്കിയത്. ജോ റൂട്ടിനെ റണ്‍ഔട്ടിലൂടെ പുറത്താക്കിയതില്‍ മാത്യുസിന്റെ ഫീല്‍ഡിങ് മികവ് എടുത്തുപറയണം. പ്രായം വെറും നമ്പര്‍ മാത്രമാണെന്നും രാജ്യത്തിനു വേണ്ടി കളിക്കുമ്പോള്‍ നൂറ് ശതമാനം ആത്മസമര്‍പ്പണത്തോടെ കളിക്കണമെന്നും മാത്രമാണ് മാത്യുസിന്റെ മനസില്‍ ഉള്ളത്. 
 
2011 മുതല്‍ 2023 വരെ നാല് ലോകകപ്പുകളിലും മാത്യുസ് ഇപ്പോള്‍ ശ്രീലങ്കയ്ക്ക് വേണ്ടി കളിച്ചു. അതില്‍ 2015 ലോകകപ്പില്‍ ശ്രീലങ്കയെ നയിച്ചത് മാത്യുസ് ആണ്. അന്ന് ലങ്ക ക്വാര്‍ട്ടര്‍ ഫൈനലില്‍ എത്തിയിരുന്നു. മാത്യുസിന്റെ പരിചയസമ്പത്ത് തങ്ങള്‍ക്ക് ഊര്‍ജ്ജം പകരുമെന്നാണ് ലങ്കന്‍ ടീമിന്റെ വിശ്വാസം. യുവതാരങ്ങള്‍ക്ക് ആത്മവിശ്വാസം പകരാനും മാത്യുസിന് സാധിക്കുന്നുണ്ട്. 
 
ശ്രീലങ്കയ്ക്ക് വേണ്ടി 159 ഏകദിന ഇന്നിങ്‌സുകളില്‍ നിന്ന് 4.61 ഇക്കോണമിയില്‍ 122 വിക്കറ്റുകളാണ് മാത്യുസ് നേടിയിരിക്കുന്നത്. ബാറ്റിങ്ങില്‍ 191 ഇന്നിങ്‌സുകളില്‍ നിന്ന് 41.01 ശരാശരിയില്‍ 5865 റണ്‍സ് നേടാനും താരത്തിനു സാധിച്ചിട്ടുണ്ട്. ജൂണില്‍ അഫ്ഗാനിസ്ഥാനെതിരെയാണ് മാത്യുസ് ശ്രീലങ്കയ്ക്കായി അവസാന ഏകദിനം കളിച്ചത്. ലോകകപ്പില്‍ എന്നല്ല ഇനിയൊരു ഏകദിന പരമ്പരയില്‍ പോലും ശ്രീലങ്കന്‍ ടീമിന്റെ ഭാഗമാകാന്‍ സാധിക്കില്ലെന്ന് കരുതിയിടത്തു നിന്നാണ് മാത്യുസിന്റെ ഞെട്ടിക്കുന്ന തിരിച്ചുവരവ്. 
 

അനുബന്ധ വാര്‍ത്തകള്‍

വായിക്കുക

Jasprit Bumrah: 'വിശ്രമം വേണ്ട'; മാഞ്ചസ്റ്റര്‍ ടെസ്റ്റില്‍ ബുംറ കളിക്കും

മെഡലുറപ്പിക്കാമോ?, വനിതാ ചെസ് ലോകകപ്പ് സെമിയിലെത്തി കൊനേരു ഹംപി, ഇന്ത്യയ്ക്ക് ഇരട്ട മെഡൽ പ്രതീക്ഷ

ഒരു ഇരുന്നൂറ് തവണയെങ്കിലും ഞാന്‍ മാപ്പ് പറഞ്ഞിട്ടുണ്ട്, അച്ഛനെ തല്ലിയ ആളല്ലെ എന്ന് ശ്രീശാന്തിന്റെ മകള്‍ ചോദിച്ചപ്പോള്‍ തകര്‍ന്നു പോയി: ഹര്‍ഭജന്‍ സിംഗ്

മിർപൂരിലെ പിച്ച് മോശം, അന്താരാഷ്ട്ര നിലവാരമില്ല, തോൽവിയിൽ രൂക്ഷവിമർശനവുമായി പാക് കോച്ച്

ലോക ടെസ്റ്റ് ചാമ്പ്യൻഷിപ്പ് ഫൈനലിലെ പ്രകടനം, ഐസിസിയുടെ പ്ലെയർ ഓഫ് ദ മന്ത് പുരസ്കാരം എയ്ഡൻ മാർക്രമിന്

എല്ലാം കാണുക

ഏറ്റവും പുതിയത്

India vs Pakistan: ഫൈനലിലായിരുന്നു പാകിസ്ഥാൻ വന്നിരുന്നതെങ്കിലും തീരുമാനം മാറില്ലായിരുന്നു, തീരുമാനത്തിൽ ലെജൻഡ്സ് ടീം ഒറ്റക്കെട്ട്

India vs England Oval Test: ഓവൽ ടെസ്റ്റിൽ ഇന്ത്യയ്ക്ക് ബാറ്റിംഗ്, സർപ്രൈസ് എൻട്രിയായി കരുൺ നായർ ടീമിൽ, 3 മാറ്റങ്ങളോടെ ഇന്ത്യ

India vs England: പച്ച വിരിച്ച ഓവല്‍ പിച്ച്, ഗംഭീറിന്റെ ട്രമ്പ് കാര്‍ഡ്, അവസാന നിമിഷം കരുണ്‍ നായര്‍ ടീമിലേക്ക്?

India - Pakistan Legends Semi Final Called Off: പാക്കിസ്ഥാനുമായി കളിക്കാനില്ല; സെമി ഫൈനലില്‍ നിന്ന് ഇന്ത്യ പിന്മാറി

WCL 2025, India C vs Pakistan C: 'അവസാനം ഞങ്ങളുടെ കൂടെ തന്നെ കളിക്കും, അവരുടെ മുഖം ആലോചിക്കാന്‍ വയ്യ'; ഇന്ത്യയെ പരിഹസിച്ച് അഫ്രീദി

അടുത്ത ലേഖനം
Show comments