ചരിത്രം വഴിമാറുന്നു; സെഞ്ചുറി നേടിയതോടെ കോഹ്‌ലി മറ്റൊരു റെക്കോര്‍ഡില്‍

ശ്രീലങ്കയ്‌ക്കെതിരായ ഒന്നാം ടെസ്‌റ്റിന്റെ അവസാന ദിവസം തകര്‍പ്പന്‍ സെഞ്ചുറി സ്വന്തമാക്കിയ ഇന്ത്യന്‍ ക്യാപ്‌റ്റന്‍ വിരാട് കോഹ്‌ലി മറ്റൊരു റെക്കോര്‍ഡില്‍. ടെസ്‌റ്റില്‍ പതിനെട്ടാം സെഞ്ചുറി സ്വന്തമാക്കിയ വിരാട് രാ​ജ്യാ​ന്ത​ര ക്രി​ക്ക​റ്റി​ൽ 50 സെഞ്ചുറി നേടിയതോടെയാണ് പുതിയ നേട്ടം.

ടെസ്‌റ്റ് ക്രിക്കറ്റില്‍ 18മത് സെഞ്ചുറി നേടിയ കോഹ്‌ലി ഏ​റ്റ​വു​മ​ധി​കം സെ​ഞ്ചു​റി നേ​ടു​ന്ന ഇ​ന്ത്യ​ൻ നാ​യ​ക​നെ​ന്ന നി​ല​യി​ൽ സു​നി​ൽ ഗ​വാ​സ്ക​റി​ന്‍റെ നേ​ട്ട​ത്തി​നൊ​പ്പ​മെ​ത്തി. 11 സെ​ഞ്ചു​റി​യാ​ണ് ക്യാ​പ്റ്റ​നെ​ന്ന നി​ല​യി​ൽ ഇ​രു​വ​രും നേ​ടി‍​യ​ത്.

119 പന്തിൽ 12 ഫോറും രണ്ട് സിക്സറും ഉൾപ്പെടുന്നതായിരുന്നു കോഹ്‌ലിയുടെ (104) സെഞ്ചുറി. അഞ്ചാം ദിനം ഉച്ചഭക്ഷണം കഴിഞ്ഞ് ആദ്യ സെഷനിൽതന്നെ എട്ടിനു 352 റൺസെന്ന നിലയിൽ കളിയവസാനിപ്പിച്ച ഇന്ത്യ, ശ്രീലങ്കയ്ക്കു 231 റൺസിന്റെ വിജയലക്ഷ്യമാണ് മുന്നില്‍ വച്ചിരിക്കുന്നത്. ഒ​രു സെ​ക്‌​ഷ​ൻ മാ​ത്രം ശേ​ഷി​ക്കെ മ​ത്സ​രം സ​മ​നി​ല​യി​ലേ​ക്ക് നീ​ങ്ങാ​നാ​ണ് സാ​ധ്യ​ത.