ഇന്ത്യയും ഇംഗ്ലണ്ടും തമ്മിൽ നടന്ന മൂന്നാം ഏകദിനത്തിൽ മാൻ ഓഫ് ദ മാച്ച് പുരസ്‌കാരത്തിനായി തിരഞ്ഞെടുക്കേണ്ടിയിരുന്നത് സാം കറണിനെ അല്ലായിരുന്നുവെന്ന് ഇന്ത്യൻ നായകൻ വിരാട് കോലി. മാൻ ഓഫ് ദ മാച്ച് പുരസ്‌കാരം ഇന്ത്യൻ താരത്തിന് അർഹതപ്പെട്ടതായിരുന്നുവെന്നും കോലി പറഞ്ഞു.
മത്സരത്തിൽ നാല് വിക്കറ്റും 30 റൺസും നേടിയ ഷാർദുൽ താക്കൂറിനെ മാൻ ഓഫ് ദ മാച്ചായി തെരഞ്ഞെടുക്കാത്തത് അത്ഭുതപ്പെടുത്തിയെന്നാണ് കോലി പറഞ്ഞത്. പരമ്പരയിൽ ഉടനീളം നന്നായി പന്തെറിഞ്ഞ ഭുവനേശ്വർ കുമാർ മാൻ ഓഫ് ദ സീരീസ് പുരസ്‌കാരം അർഹിച്ചിരുന്നുവെന്നും കോലി മത്സരശേഷം പറഞ്ഞു. മൂന്ന് മത്സരങ്ങളില്‍ നിന്ന് 219 റണ്‍സ് സ്വന്തമാക്കിയ ജോണി ബെയർസ്റ്റോയായിരുന്നു മാൻ ഓഫ് ദ സീരീസ് പുരസ്‌കാരം നേടിയത്.
