Virat Kohli: ഇംഗ്ലണ്ടിനെതിരായ ആദ്യ രണ്ട് ടെസ്റ്റുകളില് നിന്ന് കോലി പിന്മാറി !
ആദ്യ രണ്ട് ടെസ്റ്റുകളില് താന് കളിക്കില്ലെന്ന് ടീം സെലക്ഷനു മുന്പ് തന്നെ കോലി മാനേജ്മെന്റിനെ അറിയിച്ചിരുന്നു എന്നാണ് റിപ്പോര്ട്ടുകള്
Publish Date: Mon, 22 Jan 2024 (15:39 IST)
Updated Date: Mon, 22 Jan 2024 (15:47 IST)
Virat Kohli: ഇംഗ്ലണ്ടിനെതിരായ ടെസ്റ്റ് പരമ്പരയ്ക്കുള്ള ആദ്യ രണ്ട് മത്സരങ്ങളില് നിന്ന് വിരാട് കോലി പിന്മാറി. വ്യക്തിപരമായ കാരണങ്ങളാലാണ് താരം പിന്മാറിയതെന്ന് ബിസിസിഐ അറിയിച്ചു. അഞ്ച് മത്സരങ്ങളാണ് ടെസ്റ്റ് പരമ്പരയില് ഉള്ളത്. ജനുവരി 25 ന് ടെസ്റ്റ് പരമ്പര ആരംഭിക്കും.
ആദ്യ രണ്ട് ടെസ്റ്റുകളില് താന് കളിക്കില്ലെന്ന് ടീം സെലക്ഷനു മുന്പ് തന്നെ കോലി മാനേജ്മെന്റിനെ അറിയിച്ചിരുന്നു എന്നാണ് റിപ്പോര്ട്ടുകള്. കോലിക്ക് പകരം മറ്റൊരു താരത്തെ സ്ക്വാഡില് ഉള്പ്പെടുത്തില്ല. വളരെ വ്യക്തിപരമായ കാരണങ്ങളാലാണ് കോലി ആദ്യ രണ്ട് ടെസ്റ്റുകളില് നിന്ന് മാറിനില്ക്കുന്നതെന്നും അദ്ദേഹത്തിന്റെ വ്യക്തി സ്വാതന്ത്ര്യത്തെ മാനിച്ചുകൊണ്ട് മറ്റ് ഗോസിപ്പുകളൊന്നും പ്രചരിപ്പിക്കരുതെന്നും ബിസിസിഐ മാധ്യമങ്ങളോട് അഭ്യര്ഥിച്ചിട്ടുണ്ട്.
ജനുവരി 25 മുതല് 29 വരെ ഹൈദരബാദിലും ഫെബ്രുവരി രണ്ട് മുതല് ആറ് വരെ വിശാഖപട്ടണത്തും ആണ് ആദ്യ രണ്ട് ടെസ്റ്റ് മത്സരങ്ങള്. രോഹിത് ശര്മയാണ് ടീമിനെ നയിക്കുക.
