ദ്രാവിഡിന് ശേഷം ലക്ഷ്മണ്‍ ഇന്ത്യന്‍ പരിശീലകനാകും; സൂചന നല്‍കി ഗാംഗുലി

വി.വി.എസ്.ലക്ഷ്മണ്‍ ഇന്ത്യയുടെ മുഖ്യ പരിശീലകനാകുമെന്ന് സൂചന നല്‍കി ബിസിസിഐ അധ്യക്ഷന്‍ സൗരവ് ഗാംഗുലി. രാഹുല്‍ ദ്രാവിഡിന്റെ പിന്‍ഗാമിയായി ലക്ഷ്മണ്‍ എത്തുമെന്നാണ് ഗാംഗുലി പറയുന്നത്. ദേശീയ ക്രിക്കറ്റ് അക്കാദമി (എന്‍സിഎ) അധ്യക്ഷനാണ് നിലവില്‍ ലക്ഷ്മണ്‍. ബിസിസിഐ ആവശ്യപ്പെട്ടപ്പോള്‍ ഈ ചുമതല ഏറ്റെടുക്കാന്‍ ലക്ഷ്മണ്‍ തയ്യാറായെന്നും ഇന്ത്യന്‍ പരിശീലകനാകാന്‍ അദ്ദേഹത്തിനു താല്‍പര്യമുണ്ടായിരുന്നെന്നും ഗാംഗുലി പറഞ്ഞു. ഭാവിയില്‍ എന്‍സിഎ അധ്യക്ഷ ചുമതലയില്‍ നിന്ന് ലക്ഷ്മണ്‍ ഇന്ത്യന്‍ മുഖ്യ പരിശീലക സ്ഥാനത്തേക്ക് എത്തുമെന്നും ഗാംഗുലി കൂട്ടിച്ചേര്‍ത്തു.