പാകിസ്ഥാന്റെ പരാജയത്തില്‍ ബാബര്‍ അസമിനെ മാത്രം വിമര്‍ശിക്കുന്നതിനെതിരെ മുന്‍ പാകിസ്ഥാന്‍ നായകന്‍ കൂടിയായിരുന്ന ഇതിഹാസതാരം വസീം അക്രം. ബാബറിന് തെറ്റുപറ്റി എന്നാല്‍ അദ്ദേഹത്തെ മാത്രം വിമര്‍ശിച്ച് കൊണ്ട് ടീമിന് രക്ഷപ്പെട്ട് പോകാനാകില്ലെന്ന് അക്രം പറയുന്നു.
ബാബര്‍ അസം മാത്രമല്ല ഈ ടീമില്‍ കളിക്കുന്നത്. ടീം ക്യാപ്റ്റനെന്ന നിലയില്‍ അദ്ദേഹത്തിന് തെറ്റുകള്‍ പറ്റിയിട്ടുണ്ട്. അതില്‍ അദ്ദേഹത്തെ മാത്രം കുറ്റപ്പെടുത്തുന്നതില്‍ കാര്യമില്ല. ഇത് മുഴുവന്‍ സിസ്റ്റത്തിന്റെയും പ്രശ്‌നമാണ്. എന്നാല്‍ ബാബര്‍ മാത്രം ബലിയാടാവുകയാണ്. കഴിഞ്ഞ വര്‍ഷം സംഭവിച്ചതെല്ലാം പാക് ക്രിക്കറ്റിന്റെ സിസ്റ്റത്തിന്റെ പിഴവുകളാണ്. ആരാണ് പരിശീലകന്‍,ആരാണ് പുറത്ത് പോകുന്നത് വരുന്നത് എന്നതൊന്നും കളിക്കാര്‍ക്ക് അറിയില്ല. ഇത് എല്ലാവരുടെയും തെറ്റാണ്. അക്രം പറഞ്ഞു.
