മികച്ച പ്രകടനം നടത്തിയിട്ടും ബിസിസിഐയുടെ കരാറില്‍ നടരാജന്‍ ഇടം പിടിച്ചില്ല; കാരണം ഇതാണ്

Webdunia
വെള്ളി, 16 ഏപ്രില്‍ 2021 (15:59 IST)
ഓസ്‌ട്രേലിയന്‍ പര്യടനത്തില്‍ പകരക്കാരനായി ഇന്ത്യയുടെ അവസാന ഇലവനില്‍ ഇടംപിടിച്ച താരമാണ് ടി.നടരാജന്‍. ചുരുങ്ങിയ മത്സരങ്ങള്‍കൊണ്ട് ഇന്ത്യന്‍ പേസ് നിരയിലെ നിര്‍ണായ സാന്നിധ്യമാകാന്‍ ഈ ഇടംകൈയന്‍ ഫാസ്റ്റ് ബൗളര്‍ക്ക് സാധിച്ചു. പരിമിത ഓവര്‍ മത്സരങ്ങളില്‍ ഡെത്ത് ഓവര്‍ സ്‌പെഷ്യലിസ്റ്റ് കൂടിയാണ് നടരാജന്‍. ഇത്രയേറെ കഴിവുണ്ടായിട്ടും എന്തുകൊണ്ടാണ് കഴിഞ്ഞ ദിവസം ബിസിസിഐ പുറത്തിറക്കിയ വാര്‍ഷിക കരാര്‍ പട്ടികയില്‍ നടരാജന്‍ ഇടംപിടിക്കാത്തത് എന്ന സംശയം ഒട്ടേറെ പേര്‍ക്കുണ്ട്. 
 
ടെസ്റ്റ് ക്രിക്കറ്റിനു കൂടുതല്‍ പ്രധാന്യം നല്‍കിയാണ് ബിസിസിഐ വാര്‍ഷിക പ്രതിഫലവുമായി ബന്ധപ്പെട്ട കരാര്‍ തയ്യാറാക്കുന്നത്. ഏകദിന, ടി 20 ക്രിക്കറ്റില്‍ സ്ഥിര സാന്നിധ്യമല്ലാത്ത ചേതേശ്വര്‍ പൂജാര, അജിങ്ക്യ രഹാനെ, ഇഷാന്ത് ശര്‍മ, ആര്‍.അശ്വിന്‍ എന്നിവര്‍ വാര്‍ഷിക കരാറില്‍ ഗ്രേഡ് എയില്‍ വരാന്‍ കാരണവും അത് തന്നെ. ഇവരെല്ലാം ടെസ്റ്റ് ക്രിക്കറ്റില്‍ ഇന്ത്യയുടെ അവിഭാജ്യ താരങ്ങളാണ്. 
 
വാര്‍ഷിക കരാറില്‍ ഇടം പിടിക്കാന്‍ ഒരു താരം സീസണില്‍ കളിക്കേണ്ടത് മൂന്ന് ടെസ്റ്റോ എട്ട് ഏകദിനങ്ങളോ പത്ത് ടി 20 മത്സരങ്ങളോ ആണ്. എങ്കില്‍ മാത്രമേ ബിസിസിഐയുടെ വാര്‍ഷിക കരാറില്‍ ഇടം പിടിക്കാന്‍ സാധിക്കൂ. ഈ കാരണംകൊണ്ടാണ് ഏറ്റവും പുതിയ കരാര്‍ പട്ടികയില്‍ നടരാജന്‍ ഇടംപിടിക്കാതെ പോയത്. 
 
ഈ സീസണില്‍ നടരാജന്‍ കളിച്ചിരിക്കുന്നത് ഒരു ടെസ്റ്റും രണ്ട് ഏകദിനങ്ങളും നാല് ടി 20 മത്സരങ്ങളും മാത്രമാണ്. കഴിഞ്ഞ സീസണില്‍ ഒരേയൊരു ടെസ്റ്റ് മാത്രം കളിച്ച പൃഥ്വി ഷായും ഇത്തവണ വാര്‍ഷിക കരാറില്‍ ഇടംപിടിച്ചില്ല. മൂന്ന് ടെസ്റ്റ് മത്സരങ്ങള്‍ കളിക്കാന്‍ അവസരം ലഭിച്ച ശുഭ്മാന്‍ ഗില്‍ ബിസിസിഐയുടെ വാര്‍ഷിക കരാര്‍ പട്ടികയില്‍ ഇടംപിടിക്കുകയും ചെയ്തു. 
 
ഈ വര്‍ഷം രണ്ട് ടെസ്റ്റ് മത്സരങ്ങള്‍ കൂടി കളിക്കുകയോ 2021 സെപ്റ്റംബറിനു മുന്‍പ് ആറ് ഏകദിനമോ ആറ് ടി 20 യോ കളിക്കുകയോ ചെയ്താല്‍ നടരാജന് കരാറില്‍ ഇടം പിടിക്കാന്‍ സാധിക്കും. 
 

അനുബന്ധ വാര്‍ത്തകള്‍

വായിക്കുക

നായകനായി 3 ഫോർമാറ്റിലും ആദ്യ കളിയിൽ തോറ്റു, കോലിയ്ക്ക് മാത്രമുണ്ടായിരുന്ന ചീത്തപ്പേര് സ്വന്തമാക്കി ഗിൽ

എന്റെ വിക്കറ്റ് പോയതിന് ശേഷമാണ് ടീം തകര്‍ന്നത്, ജയിപ്പിക്കേണ്ടത് എന്റെ ജോലിയായിരുന്നു, ഉത്തരവാദിത്തം ഏറ്റെടുക്കുന്നുവെന്ന് സ്മൃതി മന്ദാന

അർജൻ്റീനയെ തകർത്തു, ഫിഫ അണ്ടർ 20 ലോകകപ്പിൽ മുത്തമിട്ട് മൊറോക്കോ

Virat Kohli: ചെറിയ വിശ്രമം എടുത്തെന്നെ ഉള്ളു, മുൻപത്തേക്കാൾ ഫിറ്റെന്ന് കോലി, പിന്നാലെ ഡക്കിന് പുറത്ത്

Women's ODI worldcup : ഗ്രൂപ്പ് ഘട്ടത്തിൽ 2 തോൽവി, ഓസീസ് ഇന്ത്യയുടെ സെമി സാധ്യതകൾ അടച്ചോ?, ഇന്ത്യയുടെ സാധ്യതകൾ എന്തെല്ലാം

എല്ലാം കാണുക

ഏറ്റവും പുതിയത്

അരങ്ങേറ്റം നേരത്തെ സംഭവിച്ചിരുന്നെങ്കില്‍ സച്ചിന്റെ റെക്കോര്‍ഡ് തിരുത്തിയേനെ: മൈക്ക് ഹസ്സി

ക്യാപ്റ്റനെ മാറ്റിയാൽ പഴയ ക്യാപ്റ്റൻ പണി തരും, കാലങ്ങളായുള്ള തെറ്റിദ്ധാരണ, ഗിൽ- രോഹിത് വിഷയത്തിൽ ഗവാസ്കർ

നവംബർ 10ന് ദുബായിൽ വെച്ച് കപ്പ് തരാം, പക്ഷേ.... ബിസിസിഐയ്ക്ക് മുന്നിൽ നിബന്ധനയുമായി നഖ്‌വി

സർഫറാസ് 'ഖാൻ' ആയതാണോ നിങ്ങളുടെ പ്രശ്നം, 'ഇന്ത്യ എ' ടീം സെലക്ഷനെ ചോദ്യം ചെയ്ത് ഷമാ മുഹമ്മദ്

Smriti Mandhana: പരാജയങ്ങളിലും വമ്പൻ വ്യക്തിഗത പ്രകടനങ്ങൾ, ഐസിസി ഏകദിന റാങ്കിങ്ങിൽ ലീഡ് ഉയർത്തി സ്മൃതി മന്ദാന

അടുത്ത ലേഖനം
Show comments