World Test Championship Final Date: ലോക ടെസ്റ്റ് ചാംപ്യന്ഷിപ്പ് ഫൈനല് ജൂണ് 11 മുതല് 15 വരെ
നിലവില് ഇന്ത്യയാണ് ലോക ടെസ്റ്റ് ചാംപ്യന്ഷിപ്പ് പോയിന്റ് ടേബിളില് ഒന്നാം സ്ഥാനത്ത്
Publish Date: Tue, 03 Sep 2024 (15:27 IST)
Updated Date: Tue, 03 Sep 2024 (15:29 IST)
World Test Championship Final Date: ലോക ടെസ്റ്റ് ചാംപ്യന്ഷിപ്പ് ഫൈനലിനുള്ള തിയതി പ്രഖ്യാപിച്ച് ഐസിസി. 2025 ജൂണ് 11 മുതല് 15 വരെയുള്ള ദിവസങ്ങളിലായി ലോര്ഡ്സിലാണ് പോരാട്ടം നടക്കുക. ഐസിസിയുടെ മൂന്നാം ടെസ്റ്റ് ചാംപ്യന്ഷിപ്പ് ഫൈനലാണ് അടുത്ത വര്ഷം നടക്കാന് പോകുന്നത്.
നിലവില് ഇന്ത്യയാണ് ലോക ടെസ്റ്റ് ചാംപ്യന്ഷിപ്പ് പോയിന്റ് ടേബിളില് ഒന്നാം സ്ഥാനത്ത്. ഓസ്ട്രേലിയയ്ക്കെതിരായ ബോര്ഡര്-ഗവാസ്കര് ട്രോഫി പരമ്പര അടക്കം ഇന്ത്യക്കു ഇനി ശേഷിക്കുന്നുണ്ട്. ഓസ്ട്രേലിയയാണ് പോയിന്റ് ടേബിളില് രണ്ടാം സ്ഥാനത്ത്.
പ്രഥമ ടെസ്റ്റ് ചാംപ്യന്ഷിപ്പ് ഫൈനലില് ഇന്ത്യയും ന്യൂസിലന്ഡും ആണ് ഏറ്റുമുട്ടിയത്. ന്യൂസിലന്ഡ് ജേതാക്കളായി. കഴിഞ്ഞ ലോക ടെസ്റ്റ് ചാംപ്യന്ഷിപ്പ് ഫൈനലില് ഓസ്ട്രേലിയയായിരുന്നു ഇന്ത്യക്ക് എതിരാളികള്. അവിടെയും ഇന്ത്യ ഫൈനലില് വീണു. തുടര്ച്ചയായി മൂന്നാം ടെസ്റ്റ് ചാംപ്യന്ഷിപ്പ് ഫൈനലും കന്നി കിരീടവുമാണ് ഇന്ത്യ ഇത്തവണ ലക്ഷ്യമിടുന്നത്.
