ഐസിസി ടെസ്റ്റ് റാങ്കിംഗ്: പാകിസ്ഥാന്‍ ലെഗ് സ്പിന്നര്‍ യാസിര്‍ ഷാ ഒന്നാം സ്ഥാനത്ത്
പാകിസ്ഥാന്‍ ലെഗ് സ്പിന്നര്‍ യാസിര്‍ ഷാ ലോക ടെസ്റ്റ് റാങ്കിംഗില്‍ ഒന്നാം സ്ഥാനത്തെത്തി.
പാകിസ്ഥാന്‍ ലെഗ് സ്പിന്നര്‍ യാസിര്‍ ഷാ ലോക ടെസ്റ്റ് റാങ്കിംഗില്‍ ഒന്നാം സ്ഥാനത്തെത്തി. തന്റെ പതിമൂന്നാം ടെസ്റ്റ് മത്സരത്തിലാണ് ഇത്തരമൊരു നേട്ടം പാക് താരത്തെ തേടിയെത്തിയിരിക്കുന്നത്. ഇംഗ്ലീഷ് താരം ജെയിംസ് ആന്‍ഡേഴ്‌സനെ രണ്ടാം സ്ഥാനത്തേക്ക് പിന്തള്ളിയാണ് പാക് താരത്തിന്റെ ഈ കുതിപ്പ്.
ലോഡ്‌സ് ടെസ്റ്റിലെ ആദ്യ ഇന്നിംഗ്‌സില്‍ 72 റണ്‍സ് വഴങ്ങി ആറ് വിക്കറ്റ് വീഴത്തിയ യാസിര്‍ രണ്ടാം ഇന്നിംഗ്‌സില്‍ 69 റണ്‍സ് വഴങ്ങി നാല് വിക്കറ്റും വീഴത്തി. ലോഡ്‌സില്‍ പത്ത് വിക്കറ്റ് നേട്ടം കൊയ്ത രണ്ടാമത്തെ ലെഗ് സ്പിന്നറാണ് യാസിര്‍ ഷാ. നാലാം റാങ്കിംഗില്‍ നിന്നാണ് ഒന്നാം സ്ഥാനത്തേക്കുളള ഷായുടെ ഈ മുന്നേറ്റം.
ഇന്ത്യന്‍ സ്പിന്നര്‍ അശ്വിന്‍ ഐസിസി ടെസ്റ്റ് റാങ്കിംഗില്‍ രണ്ടാം സ്ഥാനം നിലനിര്‍ത്തി. ഇതോടെ ഒന്നാം സ്ഥാനത്തായിരുന്ന ജെയിംസ് ആന്‍ഡേഴ്‌സന്‍ മൂന്നാം സ്ഥാനത്തേക്ക് പിന്തളളപ്പെട്ടു. പുതിയ റാങ്കിംഗില്‍ സ്റ്റുവര്‍ട്ട് ബോര്‍ഡാണ് അഞ്ചാം സ്ഥാനത്ത്.
