കോഹ്‌ലിക്ക് ധോണിയോട് ഇത്രയും സ്‌നേഹമുണ്ടായിരുന്നോ ?; വിരാടിന്റെ ട്വീറ്റ് ക്രിക്കറ്റ് ലോകത്ത് ചര്‍ച്ചയാകുന്നു
ഇതായിരുന്നോ ധോണിയോടുള്ള കോഹ്ലിയുടെ സ്‌നേഹം; വിരാടിന്റെ ട്വീറ്റ് വൈറലാകുന്നു
നായക സ്ഥാനമൊഴിഞ്ഞ മഹേന്ദ്ര സിംഗ് ധോണിയോടുള്ള സ്‌നേഹത്തിന്റെ ആഴം വെളിപ്പെടുത്തി ഇന്ത്യന്‍ ടെസ്‌റ്റ് നായകന്‍ വിരാട് കോഹ്ലി.
'യുവതാരങ്ങള്‍ക്ക് എപ്പോഴും അവരോടൊപ്പം വേണ്ട ഒരു നായകനായതില്‍ നന്ദിയുണ്ട്, നിങ്ങളെപ്പോഴും എന്റെ നായകനായിരിക്കും ധോണി ഭായ് ' കോഹ്ലി പറയുന്നു. ട്വിറ്ററിലൂടെയായിരുന്നു കോഹ്ലിയുടെ വൈകിയെത്തിയ ഈ പ്രതികരണം.
അതേസമയം, ധോണി നായകസ്ഥാനം ഒഴിഞ്ഞത് ശരിയായ തീരുമാനമാണെന്ന് മുൻ ഇന്ത്യൻ നായകനും താരവും ഇന്ത്യ ജൂനിയർ ടീമുകളുടെ പരിശീലകനുമായ രാഹുൽ ദ്രാവിഡ് വ്യക്തമാക്കി.
നായകസ്ഥാനം രാജിവയ്‌ക്കാനുള്ള ധോണിയുടെ തീരുമാനം അശ്ചര്യമുണ്ടാക്കിയിട്ടില്ല. അടുത്ത ലോകകപ്പില്‍ മികച്ച പ്രകടനം നടത്താന്‍ വിരാട് കോഹ്‌ലിക്ക് സാധിക്കണമെങ്കില്‍ അദ്ദേഹത്തിന് നായകനെന്ന നിലയിലുള്ള പരിചയ സമ്പത്ത് ആവശ്യമാണ്. ധോണിയുടെ രാജി കോഹ്‌ലിക്ക് പരിചയ സമ്പത്ത് നേടാന്‍ സാധിക്കുമെന്നും ദ്രാവിഡ് വ്യക്തമാക്കി.
