പട്ടാപ്പകൽ നടുറോഡിൽ പെൺകുട്ടിയെ ആറ് പേർ ചേർന്ന് പീഡിപ്പിച്ചു; സഹായത്തിനായി നിലവിളിച്ചിട്ടും ആരും തിരിഞ്ഞുനോക്കിയില്ല, കണ്ടുനിന്നവർ വീഡിയോ എടുക്കുന്ന തിരക്കിൽ

പട്ടാപ്പകല്‍ നടുറോഡിൽ വെച്ച് യുവാക്കള്‍ സംഘം ചേര്‍ന്ന് പെണ്‍കുട്ടിയെ ആക്രമിച്ചു. ആറ് പേർ ചേർന്ന സംഘം പ്രായപൂർത്തിയാകാത്ത പെൺകുട്ടിയെ ക്രൂരമായി ആക്രമിക്കുന്നതിന്റെ വീഡിയോ സമൂഹ മാധ്യമങ്ങളിൽ ഇതിനോടകം വൈറലായി കഴിഞ്ഞു.

ബിഹാറിലെ ജെഹാനാബാദിലാണ് സംഭവം. നടുറോഡില്‍ വച്ചയായിരുന്നു യുവാക്കളുടെ അത്രിക്രമം. ഉപദ്രവം തുടങ്ങിയപ്പോൾ പെൺകുട്ടി സഹയാത്തിനായി അപേക്ഷിക്കുന്നുണ്ട്. എന്നാൽ, ഇതു കണ്ട നാട്ടുകാര്‍ പ്രതികരിക്കാതെ വീഡിയോയെടുത്ത് സോഷ്യല്‍ മീഡിയയില്‍ പ്രചരിപ്പിക്കുകയായിരുന്നു.  

വീഡിയോയിലുള്ള ജെഹനാബാദ് റജിസ്‌ട്രേഷനിലുള്ള ബൈക്ക് കണ്ടെത്തുന്നതിനുള്ള ശ്രമം ആരംഭിച്ചതായി പൊലീസ് വ്യക്തമാക്കി. യുവാക്കള്‍ പെണ്‍കുട്ടിയുടെ വസ്ത്രങ്ങള്‍ വലിച്ചു കീറി. സഹായിക്കാൻ അഭ്യർത്ഥിച്ചിട്ടും ആരും കനിഞ്ഞില്ല. വീഡിയോയിലുള്ള പ്രായപൂര്‍ത്തിയാകാത്ത പെണ്‍കുട്ടിയാണെന്ന് പൊലീസ് പറഞ്ഞു.